Nameyeke xwendevana malpera me – Nura Şane

Nameyeke xwendevana malpera me – Nura Şane

Malpera Ria Taza ji roja dest bi weşanê kir heta niha gelekî bala min kişandîhye. Malper bi rûsî bû, lê ji ber navê wê dîsa min bi kêfxweşî dişopand, dû ra malperê dest bi weşana zimanê kurdî kir. Gelek dilxweş bûm, dema di van rojan da ji alîyê birêz Têmûrê Xelîl beşek nû lê zêde bû “Deng û Rengên me”, di bin vê navê da mijarên pir balkêş bi cîh bûne. “Hindik-rindik“, “Zane“ û “Nezan“, “We dizanibû?“, “Ji jîyana navdarên me“, “Ji zargotina me“, “Berhemên kurdzanên me“ û hwd. Herwiha bernameya Têmûrê Xelîl ya di radyoya malperê da jî gelek balkêş e, ku ser jînenîgarî û berhemên 35 nivîskarên kurdên Sovyet e.

Birêz Têmûrê Xelîl du meselên ku min di Facebooka xwe da belav kiribûn, bi pêşgotinek bêhampa ra li malpera Ria Taza weşandîye.

Dilbaristan bûm ji mirovek wisa hêja û qedrgiran gotinên wisa giranbûha bihîst. Sipasîyên ji dil pêşkêşî cenabê wî dikim, cansaxîya wî dixwezim, bira her sax û saxlem bijî pê karê xweyê bo ragihandina kurdî bi xweşî bidomîne.

Ez bi xwendina pirtûkên wî jî, bi şopandina facebookê jî, bi nivîsên wî jî, bi temaşekirina bernameyên wî jî, bi xwendina şiroveyên wî jî pir kêfxweş dibim, ji ber ku axaftin, nivîsandin û bersivdayîna wî da jî bi xemlek kurdewarî ra zîrekîyek têr û tije eyan e. Ez hewl didim ji wê zîrekîyê û zanebûnê hinek be jî feyz bigirim. Bi qewlî birêz Husên Duzen ez jî bêjim; -Ez feyz digirim, hûn jî bigirin.

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev