Heta rêfêrêndûma

bona Serxwebûna Kurdistanê

maye:

“Teyrikên Jirêketî” ya Rabindranat Tagor bi Kurdîya Omer Resûl û Erebîya Dimitri Avgeherinos Li Gel Îngilîzîya Xwe Bi Sê Zimana Ji Lîsê Derket

“Teyrikên Jirêketî” ya Rabindranat Tagor bi Kurdîya Omer Resûl û Erebîya Dimitri Avgeherinos Li Gel Îngilîzîya Xwe Bi Sê Zimana Ji Lîsê Derket
Di berhevoka xwe ya bi navê “Teyrikên Jirêketî” de, Tagor pendine jîyanî bi awayekî helbestî û felsefeyî yê kûr pêşkêş û berbiçav dike, ew yek danheva serpêhatîyên wî ye, ên dagirtî bi jîyanê di jîyanê de.

Meraqa wî ya herî kûr û aza tê de ew bû ku dîmena heyîna mirovane ya gelemper di ser hemû êşên xwe re berz û bilind bike, ew yek jî bi bişaftina bîsteka jîyanî, di rêya gotinê re, di kovika bawerîyeke kûr bi mirov û bi heyînê wekî hev tek bi tek de. Ew xem û meraqa ku piranîya hîndekarî, felsefe û olên dêrîn li dorê diçûn û dihatin.

Dibe ku Tagor bi zimanê xwe yê tenik ê birînveker di berhevoka xwe de, dixwest gazî me bike da ku em çendekekê rawestin û li naveroka jîyana xwe di vê heyînê de temaşe bikin, di ser vê yekê re jî, ew ji me re vexwendineke lezgîn e ku em xwe ji hemû girêdanên teng û lipeyçûnên astengdar, di rêya pêşketinê de, rizgar bikin û di lêgerîna têkûzîyê di heyînê de, em xwe dîsa ji hemû rengên mejîgirtinê, li seranserî cîhanê, dûr bikin.

Bi pendên xwe yên kûr û bi helbestên xwe yên rengereng mîna keskesorê, Tagor me li ser baskên firindeyên xwe yên jirêketî dike û me li windageha nîgaşdanka jîyana me ya kambax digerîne, bi hêvîya ku pareke me ji çakzanîya wî ya deryayî hebe!

“Teyrikên Jirêketî, Rabindranat Tagor, Kurdîya Wê Omer Resûl û Erebîya Wê Dimitri Avgeherinos Helbest, 132 rûpel, Weşanên Lîs 2016 , Amed
ISBN: 978-605-9014-64-9

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev