Kovara Time di berga xwe de cih da keça kurd a Êzîdî Nadîa Mûrad

Kovara Time di berga xwe de cih da keça kurd a Êzîdî Nadîa Mûrad
Kovara navdar Time-ê ku yek ji bandortirîn kovara navneteweyî ya cîhanê ye, di berga hejmara xwe ya nû de cih da keça kurd a êzîdî Nadîa Mûrad.
Time ew kovar e ku her sal ”kesên herî bibandor ên cîhanê” hildibijêre û navê wan pêşkêşî xwendekarên xwe dike. Kovara navborî gelek caran jî berga xwe ji bo kesekî yan kesekê terxan dike ku ev tê wateya giringiya wî yan wê kesê li seranserê dinyayê.
Cara dawî keça kurda êzîdî Nadîa Mûrad ji hêla kovarê ve di nava ”100 mirovên herî bibandor ên cîhanê” hate hilbijartin û berga kovara navdar xemiland.
Heta niha gelek kesên navdar ên dinyayê ketine berga kovara Timê. Bill Clinton, Vladimir Putîn, Michelle Obama, Barack Obama, Michael Jackson çend nav in ku di berga kovara navdar de cih ji wan re hatine terxankirin.
Şayanê gotinê ye ku Nadîa Mûrad yek ji wan keç û jinên kurdên êzîdî bû ku piştî komkujiya Şengalê ji hêla Daîşê ve hatibû revandin. Mûrad piştî demeke dirêj riyekê dîtibû û ji nava îşkenceya Daîşê reviyabû.
Nadîa Mûrad piştî ku xwe azad kir, li seranserê dinyayê beşdarî gelek çalakî û semîneran bû, axivî û derd û kulên kurdên êzîdî, êşa Şengalê bi kul û kesereke giran eşkere kir. Neteweyên Yekbûyî, Parlamentoya Ewropayê û parlamento û serokatiya gelek welatan bi dilekî pak û dilsozane pêşwaziya vê keça kurd a êzîdî kir û bûn hevparê êş û janên wê û gelê kurd.

 

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev