Tu niha li ku yî?

Tu niha li ku yî?

Xwendevanê malpera me Seyfedînê Welekorî ji Stembolê helbestek ji me ra şandîye. Ka em mêze bikin kurmancîya edebîyethizekî ji bajarê ku bi mîlyonan kurd lê dijîn çawan e û tesîreke çawa li ser me dihêle. Belkî jî kurdên vî bajarî yên tirkîaxêv çav bidine wî, xwe li kurmancîya me ya şîrin bigirin.

Seyfedînê Welekorî

Gelo tu niha li ku yî, çev bedewa min?
Gava tu çûyî, derd û xem bûne mêvanên min

Rûniştî li kêleka êşeka bi jan
Ber qeraxê çemê derd kêşan
Te bi kêra parve dikir xem û kesaran?
Gelo kê xemê te dikir nav gotinan
Kê bi te re parve dikir êş û keseran
Gelo kê kederên te dikir nav helbestan?

Kê lorî dikir, ji bo evîna herdû dilan

Gelo tu niha li ku yî, çev bedewa min
Gava tu çûyî, derd û xem bûne mêvanên min.

Spîbûnê xwe avête ser û rûyê min
Qerçimê xwe berda ser enîya min
Tu zanî zuha û qelişî diman lêvên min
Di her qelşekî da êşek bû rêhevala min
Hêsirên şor kûr dikirin birînên min
Jana tunebûna te dida nava dilê min
Gelo tu nebî wê kî bizane bi halê min?

Wê kî evîna te têke nav kefenê min
Tu nebî gelo wê kê were ser gora min
Kê xwelîya tunebûna te bavêje ser min
Kê, kê, kê, rinda min kê, bedewa min…?

Gelo tu niha li ku yî, çev bedewa min
Gava tu çûyî derd û xem bûne mêvanê min.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev