Heta rêfêrêndûma

bona Serxwebûna Kurdistanê

maye:

Pirsa we û bersîva me

Pirsa we û bersîva me

Xwendevanên delal, ji îro da em di malpera xwe da beşeke nû vedikin bi navê “Pirsa we, bersîva me”. Hûn dikarin her cûre pirsên xwe ji redaksyona malpera me ra bişînin. An karmendên me wê bersîva pirsa we bidin, an jî redaksyonê pirsa we ji zaneyê wê pirsê ra bişîne û bersîvê çap bike.

Pirsa pêşin me ji nivîskara malpera me Nura Şanê sitendîye. Fermo, keça delal, em bersîva pirsa te li jêrê çap dikin.

Pirsa Nura Şane û bersîva me

Diya min gelek caran dema tiştekê şirove dike û dixweze me bide bawerkirin, ku şiroveya wê rast e, wek îzbat nimûneyeke ji gotinên pêşîyan bi kar tîne. Rojekê ev gotina pêşîyan bi kar anî. Ji kerema xwe şirove bikin ew tê çi maneyê?

Bûka metê bê qîmetê,
Bûka xalê stûna nava malê,
Bûka xaltîyê mîna rûnê helandî.

Em bersîva Nura Şane bi gotineke pêşîyan a din didin, ku dibêje:

Xal xarzîyan ra kir
Ap birazîyan da kir.

Ev gotina pêşîyan tê wê maneyê, ku di nav kurdan da bi gelemperî xal ji apan nêzîktir û şîrintir in, kurd ji ap û metê zêdetir zêde xwe li xalan û xaltîyan digirin.

Yanî, di gotina pêşîyan a diya Nura Şanê da xuya dibe, ku xalê mirovan zêde qîmetê dide bûka xwe, herwiha xaltî jî qîmet didê, ji ber ku ji eynî esilî ye, xûşka xalê ye. Lê metê, ku xûşka apê ye, wek birayê xwe zêde qîmetê nade bûkê.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev

Şîrove 2

  1. Xecê

    Li ser pirsa Nûra Şane û bersiva we gotineka din anî bîra min. Mezinê me jî dibêjin ap milk e, xal xelk e.Li gorî wî gotinê jî ap nêziktire.Gelo em bo gotinên mezinan dikarin bêjin li gorî her rewşê tiştek gotine.

  2. Ihsan

    Keké delal we reya taze dijitalize kiriye bi tipé latini u zimaze Kurdi an na

Şirovekirin hatine girtin.