Qurtek Çay

Qurtek Çay

Xizmetek ji nivîskarê malpera me yê nû

 

Nivîskar: Mela Evdilhekîmê Badikî

Latînîzekirin: Mela Mihyedîn

 

Qurtek çaya ser lêvan

Nadim bi hezar sêvan

Qurtek ji çaya delal

Nadim bi sed porteqal

 

Çaya nazik û nazenîn

Nadim bi sed mandelîn

Wê çaya rind û keleş

Nadim bi zalên zebeş

 

Ewê çaya mîranî

Nadim bi sed şîranî

Wê çaya rind û rengsor

Wê bi min re herê gor

 

Nakim terka şêrînê

Heta mewt û xirînê

Ew e dosta bi wefa

Dide zewq û sefa

 

Zewq û sefa min tînê

Xemên min direvîne

Wexta cîkî min diêşe

Aspirîn diavêjim şûşê

 

Aspirîn tevî çayê

Êşa min dide bayê

Wê nedaye min zerar

Methên wê nayên jimar

 

Evdilhekîm bes bibêj

Wesfa wê meke dirêj

Çiqas dirêjkî kelam

Wesfê wê nabin temam 

Riataza

Derheqa nivîskar da

Mela Mihyedîn

Zaroktiya wî di nav ‘erûz û berhemên klasîk de derbas dibe. Ji bo ilm berê xwe dide Hezex, Batman û Stenbolê. Herî dawî li Amedê xwendina xwe temam dike û îcazeta xwe ya beşa Mamosetiya Zanistên Civak werdigire. Demek dirêj li Amedê dersdariya Ziman û Wêjeya Kurdî dike. Nivîsên wî di kovarên Nûbihar, Barê û Wêje û Rexneyê de derketine.

Qeydên dişibine hev