Pirsa we û bersîva me – 24

Pirsa we û bersîva me – 24

Xwendevanên delal, wek hûn dibînin malpera me beşa xwe a ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku ji redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we bide.

Vê carê Nura Şane bersîva du pirsan ha da:

Pirsa Rizganê Sûto û bersîva Nura Şane

Pirs: -Hinek rojnamevanên kurd hene, ku di hevpeyvîn û nivîsên xwe da pesinê her kesî didin û tu caran min ji wana hevpeyvîn an nivîsên rexneyî ne xwendine. Gelo ew bi rastî ji hemûyan hez dikin? Gelo hûn wan rojnamevanan çawa qîmet dikin?

Bersîv: -Pêşî emê bersîva pirsa ”Gelo ew bi rastî ji hemûyan hez dikin?” bidin:
-Na, ji hemûyan hez nakin, heta dereceyekê tu kesî ji wana hez nakin.

Bersîva pirsa: ”Gelo hûn wan rojnamevanan çawa qîmet dikin?”
-Ew ne rojnamevan in!

 

Pirsa Dergûşa Xemo û bersîva Nura Şane

Pirs: -Bo çi di nav kurdan da tirkhez, tirkîhez û Tirkîyehez pir in, lê di nav ermenîyan da hema bêje tunene.

Bersîv: -Çend sebeb hene:

1.Ji ber ku dînê piranîya tirkan û piranîya kurdan yek e. Ango, di hêla dîn da ew ji malbetekê ne. Dînê ermenîyan û dînê tirkan tam ji hev cuda ne.

2.Zimanê beşeke kurdan li Kurdistana Bakur û Tirkîyê tirkî ye, zimanê beşeke din kurdî ye, hinek gotinên van miletan derbazî nav hev bûne. A ermenîyan ne wisan e. Zimanên ermenîyan û tirkan tam ji hev cuda ne û zimanê malê yê hema bêje hemû ermenîyên Kurdistana Bakur û Tirkîyê ermenî ye.

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev