Xetên Xaylaza Reşîd ji dilê wê dertên

Xetên Xaylaza Reşîd ji dilê wê dertên

ÇEVÊ TE GOLA VÊ WANÊ.

Çevê te gola vê Wanê

Kesk in, sût in, werq dikevinê

Lê tu dûrî delalê min

Ka dest bide tu destê min.

 

Halê me her xerîbîye

Dijminê me ji çar alîye

Dixwazin ku me tunekin

Dibên eslê xwe bîr bikin.

 

Em ji bîr nakin eslê xwe

Em dimînin ser koka xwe

Dewrana re em şer dikin

Serê mêrxas hevraz dikin.

 

Were were delalê min

Ka dest bide tu destê min

Bejna bilind lawikê êzdî

Çi kubarî, tu çi rindî.

 

Eva hêza min û te ye

Azadîya gel pêşiya me ye

Bi huba dila û bi hezkirinê

Em ê dermankin vê birînê.

 

Çevê te gola vê Wanê

Kesk in, sût in, werq dikevinê

Em in ewledê Kurdistanê

Bi xem û xeyalê vê cihanê.

 

KEÇIK, EZÊ TE BIREVÎNIM

Keçik ezê te birevînim,

Delal ezê te birevînim,

Bûkê dayîka xwe re bînim,

Lêlê ezê te birevînim.

 

Keçik mala me ne dûr e,

Birîna dilêm gelek kûr e,

Destê minda mertal û şûr e,

Keçik ezê te birevînim.

 

Mala me gundê cînare

Her ro were, her ro here

Çend sal dilêm te digere,

Keçik ezê te birevînim.

 

Kaniya malê me pir nê ze,

Der û doran belghewêz e.

Berê xwe ji min neguhêze,

Keçik ezê te birevînim.

 

Kanî dikişe bi şev û ro,

Ber bi sibêh heya nîvro,

Em bilîzin peşkeguro,

Keçik ezê te birevînim.

 

Keçik ezê te birevînim,

Delal ezê te birevînim,

Çiya û baniya bigerînim,

Ça bûk dayîka xwe re bînim.

 

ODA XEWÊ…

Oda min e xewê terî,

Şewqa heyvê lê çiraye,

Paldayî çevê min li derî,

Ev e bêyî, va ye, va ye.

 

Şûşa derî mîna hergav

Diteyise bi şewqa heyvê,

Ser zarê min tu yî bê nav,

Hişiyar im şev nîvê şevê.

 

Ser kêleka dizivirim,

Kewkî dikim belgî hêrsa,

Qesta stêrka dijmêrim,

Giva xew ra herim usa.

 

Geş dibe stêrka sibêh,

Berbang mecalam dibire,

Êvar de dilê kesîrî bi hubê,

Evîntîye ketiye kire …

 

Riataza

Derheqa nivîskar da

Xaylaza Reşîd

Helbestvana kurd a navdar e. Pey dibistanê ra kolêca çarsale xilaz kirîye, li bajarê Tbîlîsîyê dersên kurmancî daye zarokan, 20 salan di Yekîtîya êzdîyên Gurcistanê da karê çandî û folklorê kirîye, karê rojnamevanîyê jî kirîye. Pirtuka wê a bi navê Kaniya Dilê min, sala 2007an çap bûye, endama Pena Kurd e.

Qeydên dişibine hev