Romana kurdî ya yekem bi elfabeya erebî jî hat weşandin

Romana kurdî ya yekem bi elfabeya erebî jî hat weşandin

Mistefa Aydogan


Wekî dihê zanîn, romana Erebê Şemoyî ya bi navê “Şivanê kurmanca” cara yekem di sala 1935an de bi elfabeya latînî ya 1929an bi kurdîya kurmancî hatiye çapkirin û bi weşandina wê re tarîxa romana kurdî dest pê kiriye.

Di sala 2009an de weşanxaneya Lîsê çapa vê romanê ya yekem li gel orîjînala wê li Bakurê Kurdistanê bi elfabeya latînî ya dema me weşand. Kurmancîaxêvan bi entereseyeka nedîtî pêşwazîya wê kir û çapa wê ya yekem bi carekê qedand, loma Lîsê çapa wê ya duyem jî amade kir û pêşkêşî civatê kir.

Lê tevî vê jî ew kurmnacîaxêv ji vê berhemê bê par bûn ku hê jî elfabeya erebî bi kar diînin. Weşanxaneya Spîrêzê ya li Dihokê ev yek wekî pêdivîyekê tesbît kir û xwast bi “Şivanê kurmanca” ya bi elfabe erebî bersiva vê pêdivîyê bide.

Loma bi hevkarîya Lîsê guherteya vê romanê li gel pêşgotina Mistefa Aydoganî bi elfabeya erebî jî amade kir û pêşkêşî kurmancîaxêvan kir.

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev