Pirsa we û bersîva me – 38

Pirsa we û bersîva me – 38

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we bide.

Vê carê Nura Şane bi alîkarîya xebatkarên redaksyona malpera me bersîva pirsekê ha da:

Pirsa Newroza Pola û bersîva Nura Şane

Pirs:Gelek kurdên ji Kurdistana Bakur gazinan dikin, ku zimanê kurdî têr nake bona fikirên xwe bêjin. Gelo hûn ser vê meseleyê çi difikirin? Hêvîya me ew e, ku malpera we ronahîyekê raxe ser vê pirsê.

Bersîv: -Di civîneka sîyasî da kurdekî pêşî bixêrhatina beşdaran kir û bi dû re got:

  • Zimanê kurdî têrê nake ku ez fikirên xwe bibêjim, loma ez dê bi tirkî bipeyivim.

Di eynî civînê da Mustefa Aydoganê nivîskar jê pirsî:

  • Keko, divê ku em berê pirsekê çareser bikin. Gelo kurdî têrê nake an kurdîya te têrê nake?

Kurdê ku dixwast bi tirkî bipeyive piçekî sekinî. Mistefa Aydogan dîsan got:

  • Keko, heger tu bibêjî “kurdî têrê nake”, ez dê li kêleka te rûnim û axaftina te gişî wergerînim kurdî. Lê heger tu bibêjî “kurdîya min têrê nake”, êdî ew ne problema kurdî ye, problema te ye. Divê ku tu lê bifikirî.

Di dawîyê de kurdê me qebûl kir û got:

  • Kurdîya min têrê nake.

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev

Şîrove 2

  1. casimê wezîr osmanov

    …berî her tishtî, rêz û silav xanim nûrê ra.
    kêfxweshim, ku kecheke dilovan derketîye holla rewshenbîrî û bersîvên pirsan dide…
    li gor ew pêzanîna min derheqa xwendinên wê da wergirt, yek jê pisporîya dadmendî ye,
    ya din ya mêdîsîne… bashe, bi hemî rêzî, min shik heye, ku meriva pisporîya wê linguistik
    da nebe, pisporî di gramatîka ziman da nebe, ne xudan întêllêktekî beshên sosiologie, dîrok,
    lîtêratûra chend besh û gulî lê nebe, xwe behsa zanînên hûmanîstî nakim, chawa dikare
    rûbrîkeke usa pêshda bibe? heger stafeke pisporan pij wê ye, ew diruste…
    ger ew nebe, xwe rewshenbîran serê xwe danenîye…
    …axir, her yek jî nikare bê van meydanan…bila dersê pisporîya xwe bide, ok…

    bi rêz û silav
    dr.casimê wezîr
    profêssorê fîlmdramatûrgîê
    zankoa salahaddin li hewlêr

  2. Neo
    Neo

    Casimê Wezîrê hêja! Sipas bo bawerîyên te. Lê te gerekê texmîn bikira, ku me nivîsîye Nura Şane bi alîkarîya xebatkarên malperê bersîva van pirsan dide. Hilbet, hinek caran jî bi xwe dide. Nivîskara malperê Nura Şane karê xwe serketî birêva dibe, a sereke jî ev e.

Şirovekirin hatine girtin.