Pirsa we û bersîva me – 51

Pirsa we û bersîva me – 51

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku ji redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we dide.

Vê carê Nura Şane bi alîkarîya xebatkarên redaksyona malpera me bersîva pirsekê ha da:

Pirsa Şevgerê Qeretajdîn û bersîva Nura Şane

Pirs: Min texmîn kirîye, ku di van 30-40 salên dawî jimara kesên ku ji wan ra ”mamosta” tê gotin, li Kurdistana Bakur bi carekê va zêde bûye. Gelo sebebê vê çi ye?

Bersîv: Her miletek dikaribû bi vê bûyerê ra kêfxweş bûya. Lê em, mixabin, nikarin kêfxweş bin, ji ber ku em sebebê vê yekê zanin. Sebeb jî gelek diltazîn e.

Îro axavtina kurdî li Bakur ewqas hindik e, ku kê bi kurdî xeberde, wek ku kesekî zane tê hesibandin û jê ra dibêjin ”mamosta”. Weke ku gelek kurd difikirin, ku em tenê tirkî zanin, lê filankes him tirkî zane, him jî kurdî.

Lê sebeb di rastîyê da ew e, ku kurdîaxivîna kurdan ji welatparêzîya wan û xwenaskirina wan e, lê tirkîaxivîna kurdan ji bêxemîya wan ya di hindava welatê wan, miletê wan, dîroka wan da ye, yek jî ji xwenenaskirina wan da ye.

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev