Jan Dost: Destxeteke nû ya Mem û Zînê hatiye dîtin

Jan Dost: Destxeteke nû ya Mem û Zînê hatiye dîtin

Mehmed Salih Bedirxan

BasNews – Nivîskarê kurd Jan Dost di tora medyaya civakî di facebooka xwe de aşkere kir ku destxeteke bi suryanî û erebî ya Mem û Zînê hatiye dîtin û ew li ser kar dike.

Îro nivîskar şair û wergêrê kurd Jan Dost di tora medyaya civakî di faceboka xwe de aşkere kir kur destxeteke bi suryanî û erebî ji Mem û Zînê di pirtûkxaneya Berlînê de hatiye dîtin. Herwiha lêkolîner Dilshad Hîwa ji Zanîngeha Selaheddîna a Hewlêr bo wî  kopiyek şandiye da ku ew lêkolînan li ser bikin.

Nivîskar Jan Dost bo BasNewsê aşkere kir ku ew niha hin xebatan li ser dike û wî bi erebî gotarek derbarê wê destxetê jî de nivîsiye û di demeke nêzîk de dê kurmanciya gotarê jî belav bibe.

Jan Dost kopiyek ji rûpela pêşî û dawî ya destxetekê jî bo ajansa me şand û ragihand xebata wî li ser destxetê berdewam dike.

Mesnewiya Mem û Zînê di sedsala 17an de ji aliyê şairê kurd Ehmedê Xanî hatiye nivîsîn.

Niviskar Jan Dost jî zêdetir ji 15 sala ye derbarê berhemên Ehmedê Xanî kar dike. Mem û Zîna Xanî ji aliyê wî li ser erebî hatiye tercûme kirin û şerha wê kiriye. Herwiha Mem û Zîn bi kurmanciya îro jî şerh kiriye û belav kiriye.

records Source:http://www.basnews.com/index.php/kr/news/kurdistan/385166

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev