Helbestvana me gorî rewşa milet û welêt disêwirîne

Helbestvana me gorî rewşa milet û welêt disêwirîne

Xaylaza Reşîd

DINYA RAZA

Şeve şeve dinya raza

kete xewa hingorî

Kerr bûn refê quling qaza

xatûna vekirin guhar morî.

 

Legleg hêlûna da teliyan

Gula serê xwe berjêr kir

Beq jî gola da ne weqiyan

dergûşa dayîk hişyar nekir.

 

Kaniya nekire xuş e xuş

Qey bê westiyan seqirîn

Cewika naên guş e guş

Hiş bûn dengê xwe birîn.

 

Şev e teriyê erd hilçinî

Stêrka esman belek kir

Heyv ça sinîk sero binî

Li dinyayê temaşe dikir.

 

Yanga hişyar tenê ez im

Heyvê bivîn halê min

Min lê kirin lome gazin

Xeyala revandiya xewa min.

 

KURDISTANA MIN

Kurdistana min ziyarete

Ava wê li ava qudrete

Gelê kurd lê ma hizrete.

 

Kurdistana min zêryayî

Sal û dewran tu giryayî

Dijmin bi zor tu hildayî.

 

Der û berê te strîne

Dil û hinavê te birîne

Kê tê bi zor te hiltîne.

 

Emê bi van helbesta

Bi xwîna cangorîyê kelebesta

Te xilazkin li bin desta…

 

TU QUREYÎ

Tu qureyî ea zanim

Ca bizvire ey ”xanim”

Gelo hêjayî hêsira min

Yan qesta têyî xewna min…

 

TE BIR

Te bir, te bir, xewa min te bir

belgiyê min jî te revand bir

Şeva kur da, berbang te bir

Min keniya yî, aqlêm te bir…

 

XWEZÎ…

Xwezî ba bûma,

Min ê lezekî tuncika te ra bilîsta,

Dîsa biçûma û dûr ketama

dengê te yî şîrin dûr va bibihîsta

Xwezî û xwezî, xwezî ba bûma.

 

Ji pirtûka Kaniya dilê min” 

Riataza

Derheqa nivîskar da

Xaylaza Reşîd

Helbestvana kurd a navdar e. Pey dibistanê ra kolêca çarsale xilaz kirîye, li bajarê Tbîlîsîyê dersên kurmancî daye zarokan, 20 salan di Yekîtîya êzdîyên Gurcistanê da karê çandî û folklorê kirîye, karê rojnamevanîyê jî kirîye. Pirtuka wê a bi navê Kaniya Dilê min, sala 2007an çap bûye, endama Pena Kurd e.

Qeydên dişibine hev

Bersîvekê binivîse

Your email address will not be published. Required fields are marked *