ÇEND NAVÊ TE

ÇEND NAVÊ TE

Nivîskarê malpera me Mela Mihyedîn ne tenê gotarên bi zanebûnan va dagirtî ji me ra dişîne, herwiha nivîsên balkêş yên kesên din jî layîqî malpera me dibîne û bo wê em sipasîya wî dikin.

Ji vê helbestê hûnê ne tenê zewqa zimanê kurmancî hîs bikin û lezeta ji helbestê bibînin, lê herwiha hûnê hînî navên kurdî yên qîzîn bibin, ku dikare kêrî wan kesan bê, yên ji bo bûyîna keça xwe li navên kurdî digerin.

Mehmet Hacioglu

Xanim tu yî

Xatûn tu yî

Ber bêhna min

Gulam tu yî

 

Nazê tu yî

Nazdar tu yî

Ez xapandim

Sozdar tu yî

 

Xezo tu yî

Rêzo tu yî

Ser lêva min

Gezo tu yî

 

Sîsê tu yî

Sûsê tu yî

Ya şîr didoş

Tasê tu yî

 

Nûrê tu yî

Narîn tu yî

Disoje nav

Kewîn tu yî

 

Xecê tu yî

Mencê tu yî

ya dilêm xist

Qencê tu yî

 

Hûrê tu yî

Sûrê tu yî

Pincar tijî

L’tûrê tu yî

 

Zerya tu yî

Xêlya tu yî

A can j’bo wê

Helya tu yî

 

Helîn tu yî

Şevîn tu yî

Ketim davê

Kemîn tu yî

 

Seyran tu yî

Mîran tu yî

‘Awir ji rim

Tîran tu yî

 

‘Eyşan tu yî

Rewşen tu yî

Şev wirdê min

Cewşen tu yî

 

Zirav tu yî

Xûnav tu yî

Agirdara

Hinav tu yî

 

Sarê tu yî

Şarê tu yî

Fîkiya l’ser

Darê tu yî

 

Perî tu yî

Horî tu yî

Li gerden durr

Morî tu yî

 

Hewê tu yî

Lawê tu yî

Desmala dest

Zavê tu yî

 

Helo tu yî

Delo tu yî

Nazika min

Zelo tu yî

 

Gûlnaz tu yî

Feyroz tu yî

Adara min

Nevroz tu yî

 

Hûsna tu yî

Besna tu yî

Her layêqê

Pesna tu yî

 

Şirîn tu yî

Gulzîn tu yî

Mêvana dil

Li sîn tu yî

 

Mem zikir kir

Çend navê te

Yên negotî

Ew jî tu yî.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev