GOTINÊN “HEHE, HAHA, HAHO, HAHÊ, HÊHÊ, HÎHÎ Û HOHO”yê

GOTINÊN “HEHE, HAHA, HAHO, HAHÊ, HÊHÊ, HÎHÎ Û HOHO”yê

Zeynelabidîn Zinar, nivîskar/lêkolîner

Di Zimanê Kurdî de hin peyvên şûfînek hene ku meriv zêde cudatiya di navbera wan de nizane, wek peyva HEHE, HAHA, HAHO, HAHÊ, HÊHÊ, HÎHÎ û HOHO û hwd.
Bi kurtî wateya van weya ye:

HEHE: Dema yek tiştekî dibêje, kesekî bi xûta ku gotina wî pesend dike dibêje HEHE yan dibêje HERÊ û hin caran jî dibêje HERÊÊÊÊ HERÊ, ango WERE YE…

HAHA: Dema yek tiştekî dibêje û kes jê bawer nake, kesekî din dibêje wî HAHA! Yanî ha bêje, ha bêje kes ji te bawer nake.

HAHO: Dema kesek dikeve tengasiyê û xwevayê alîkariyê ye, bi dengê bilind dibêje HAHOOOO! Û gelek car dubare dike alîkarî dixwaze.

HAHÊ: Dema çivîk, zerzûl an teyrik dikevin nava baxçe, rez, zeviyê an garisê ter ê çandî, bi dengekî bilind dibêjin HAHÊ! Navê parastina van pawanan jî HAHÊ ye. Bi piranî pîrek û zarûk diçin banga HAHÊyê.

HÊHÊ: Dema kesek pesnê xwe dide, fort û beradan dide xwe, lê her kes dizane ku ne wisan e, kesekî dî dibêje wî HÊHÊ! Yanî ez ji te ne bawer im ku tu dê wisan bikî…

HÎHÎ: Gotina pêkenê ye. Yanî tu ne mêr î, ne camêr î.

HOHO: Ev gotin bi du haweyan tê gotin:
a) Ji gayê cot re tê gotin ku di xeta cot de rast here. Hin caran cotarî weha jî dibêje: -Ho bavê min.
b) Gotina HOHO ji bo mêran tê gotin ku ango xwediyê gotinê ji te ne bawer e.
c) Tenê gotina HO jî, banga li qada şer e, ango ji min re derê meydanê.

Di Zimanê Kurdî de gelek peyvên wisa hene ku nivşên Kurd ên nûkahî bi wan nizanin. 

Riataza

Derheqa nivîskar da

Zeynelabidin Zinar

Bav û kalên wî tev mela bûne û ders dane şagirdan. Ew bi xwe jî berhemê Medreseya Kurdî ye. Wî 11 sal Medrese, 3,5 sal Imam-Xetîm, çar sal lîse xwendiyte. Rêvebirê malpera www.pencinar.se e. Bi dehan pirtûkên folklorî çap kirine.

Qeydên dişibine hev