Pirsa we û bersîva me – 71

Pirsa we û bersîva me – 71

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên xwendevanekî me dide, ku wê li nivîskarekî kiribû. Me xwe danîye dewsa wî nivîskarî û bersîvên me ha derketin.

Vê carê 2 xwendevanên me pirs li me kirine, rêvebira vê beşa malpera me Nura Şane jî bo wan bersîvên delal amade kirine.

 

Pirsa Kendalê Memo û bersîva Nura Şane

 

Pirs 1:Gelo çi ferq di navbera nivîskaran û rojnamevanan da heye?

 

Bersîv 1: – Ferq di wê yekê da ne, ku her nivîskarek dikare bibe rojnamevan, lê her rojnamevanek nikare bibe nivîskar.

 

Pirsa Delîla Xudêda û bersîva Nura Şane

 

Pirs 2: Gelo hûn dikarin fikirek bi du awayan wisa bêjin, ku ji awayekî xemgîn bibin, ji awayê din kêfxweş bibin? 

 

Bersîv 2: – Padşayek diçe cem koçekekî, dipirse ka gelo ewê çiqas emir bike. Koçek dibêje: 

-Hemû hezkirîyên te wê bimirin, tuyê piştî wan demeke dirêj bijî. 

Padişa cezayekî mezin dide wî koçekî û diçe cem koçekekî din eynî pirsê jê dike. 

Koçek bersîveke ha dide:

 -Tuyê ji hemû hezkirîyên xwe pirtir bijî. 

Padişa hediyayeke mezin dide wî koçekî.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev