Îro 110’emîn salvegera rojbûna bavê zargotina kurdî Hecîyê Cindî ye

Îro 110’emîn salvegera rojbûna bavê zargotina kurdî Hecîyê Cindî ye

Hecîye Cindî Cewarî (18.03.1908 – 01.05.1990) kesayeta ku jiyana xwe bi malbata xwe ve di nava wêje, çand, huner û zargotina kurdî de bihurandîye, îro 110’emîn salvegera roja ji dê bûyîna wî ye.

Radyoya Ria taza bi bernameya li ser jîyan û xizmeta kesayeta gewre Nemir Hecîye Cindî, navdarê Kurd di roja salvegera rojbûna wî da, bi hezkirin û rêzdarî bi bîr tîne.

Guhdarên hêja, zanebûna hezaran salan, agahdariya ji cimaeta kurdan, zimanê kurdî yê resen, hișê li pêș dema xwe, Hecîyê Cindî, lêkolînerê akadêmîsyen, pispor û hostayê zargotina kurdî, ev hemî di kesayetiyekê de peyda dibin. Kesayetiyek, ku jiyana xwe tev bo pêșdabirina kurdzaniyê pêșkêș kiribû. Eger em sedan bernameyan çêbikin, têra xizmeta wî ya bêhempa nake. Ev kesayetî, di rabûn û rûniștandina xwe de, bi hiș û ramanên xwe cuda bû.



Guhdarên ezîz, da ku dengkirina wî ya zelal bighîje guhê we, dilê we, bibin mêvanên peyvên wî û ji bo hûn ji kûrahiya dîrok û tarîxa cimaeta kurdan bêpar nemînin, ez ê wê kesayetiya min li jor behsa wî kirîye, bi we bidim zindîkirin. Zindîbûn û bihêzbûna zargotina kurdan deyndarê wê kesayetiyê ye.

Ji bo ez wê kesayetiya hewqas kurdhez, mirovhez, bi me re beșdar bikim, dibêjim Haciyê Cindî, Mîrê zarogtina Kurdan, zindî ye û kaniya zanebûna wî namiçiqe û emê her û her jê vexwin.

Li bîra min tê, dema min nû dest bi karê xwe yê radyoya kurdî ya Gurcistanê kiribû, li Yêrêvanê bi dîtina nemir Haciyê Cindî ez bêhed bextewar bûm û derfet ji min re çê bû û ewî bi dilxweșî dema xwe bo hevpêyvînekê da min û ez jî wê hevpeyvîna berîya gelek salan raberî guhdarîya we dikim.

Fermo, guhdarîya dengê zanyarê kurd yê binavûdeng, zargotinzan, nivîskar, helbestvan, dramatûrg, werger Hecîye Cindî Cewarî bikin.

Amadekar û rêvebira bernameyê Bêlla Sturkî ye

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev