Nameyên evînî -21

Nameyên evînî -21

Xwendevanên delal, em beşa xwe a nû bi navê “Nameyên evînî”, bi rêberîya nivîskara malpera me Nura Şane berdewam dikin. Îro nivîsa me a bîst e.
Hûnê di nivîsên Nurayê da evîna ser asta bilind, paqij, wek ava çavkanîyan zelal hîs bikin, a here giring jî, bi zimanê dayîkê.
Belkî dijwarîya here mezin di vê beşê da ev be: -Emê çawa bikin ku evîna mezin û erf-edetên kal û bavan li hev bikin, bi hev ra bikemilin û rêya xwe a bextewarîyê bibînin?
Hêvîya me di çareserîya vê pirsê da ew e, ku evîna mezin herdem rast e, madem rast e, gerekê bi ser keve.
Em îro nameyên evînî yên kurt, lê bi evînê va dagirtî çap dikin, ku ji Nura Şane a delal ra hatine şandin. Ew ne tenê bi pênûsê hatine nivîsar, lê bi dil, ruh û hîsan va jî.

 

 

***
…Tu ezîza min î, evîna min. Vê hevoka dawî dixwezim li her deran û bi dengekî bilind bêjim…

 

***
Nura min a eziz sibê wê bo min ji diya xwe bibe. Ne diya wê zanibû ku ew bo min horiyeke ciwan tîne cihanê, ne Nura min zanibu, ne jî min. Lê Xwedê zanibû…

 

***
Nura min nayê, ez tuneme, çavên min tên girtin, canê min dibe goşt, mejûyê min dibe ka.

 

***
Delala dilê min îro hinek xemgîn bû. Di rewşeke ha da ez otomatîk wek Nura xwe dibim. Dibe ji wê ye, ku em ji hev têr nabin, dibe em bêrîya hev dikin. Lê em wê jî zanin, ku xemgînî û bêrîkirin beşên evîna me ne. Rehet razê dilê min, ku sibê em roja xwe bi hevdu ra rehet destpê bikin.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev