Pirsa we û bersîva me – 83

Pirsa we û bersîva me – 83

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Vê carê xwendevaneke me du pirsên girêdayî bi hevdu ra ji me kirine. Nura Şanê şêwra xwe bi berpirsyarê malperê ra kir û di encamê da ev bersîv derketin:

 

Pirsên Gulçina Mendesorî û bersîvên Nura Şane

 

Pirs 1: Gelo kurdîya kurdên Ermenîstanê bo wê yekê xweş e, ku dewleta Sovyet her îmkanên çandî û edebî dabû wan?

 

Bersîv 1: – Emê nimûneyekê bînin, ji kerema xwe bêjin xemxurîya dewleta Sovyet li ku xuya dibe û ew çi tesîr li ser kurdîya milet dike?

Li gundekî ermenîyan li Ermenîstanê 150 malên ermenîyan hene, 30 malên kurdan hene. Li wî gundî hemû ermenî ji kurdên gund fêrî kurdî bûne.

Gelo dewleta Sovyet wan ermenîyan fêrî kurdî kir? Na! Kurdên gund wana fêrî kurdî kirin? Belê!

 

Pirs 2: Kurdîya kurdên Kurdistana Bakur qels e, ji ber ku Tirkîya bêbext zimanê kurdî li welatê xwe û li Kurdistana Bakur qedexe kiribû?

 

Bersîv 2: Li gundekî kurdan li Kurdistana Bakur hîç tirkek jî tune û gundî bi tirkî diaxivin…

Gelo leşkerên tirk dikevin wî gundî û nahêlin milet bi kurdî bipeyive? Na! Gelo kurd bi xwe dixwezin terka zimanê xwe bikin û zimanê dagirkaran biaxivin? Belê!

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev