KANIYA PÊNCÇAVÎ -12

KANIYA PÊNCÇAVÎ -12

Nivîskarê malpera me Mela Mihyedîn wek evîndarê edebîyeta kurdî û bengîyê malpera me, ne tenê bi nivîsên xwe yên kûrfikir û dagirtî va xwendevanan şa dike, herwiha hewil dide efrandarên genc jî bike nava vî karê pîroz. Û nameyeke ha ji berpirsyarê redaksyona malperê ra nivîsîye: 

-Ev komek nû ye û ji pênç kesan pêk tê, lewma navê “Kanîya Pêncçavî” li xwe kirine. Ev komek neoklasîk e. Dixwazin bi Kurdîya îroyîn û bi terza kevin (erûz) helbestan binivîsin. Armanca wan jînkirina helbestên klasîk e. Ez bawer im ku dê pêşerojê ev kom xebatên hêja bike û wê mohra xwe li wêjeya Kurdî bixe. 

Endamên komê di van hemû helbestan de avêtine berhev û digel hev helbest nivîsîne.

Ya eceb ew e ku endamên vê komê li bajarên cuda cuda jîyana xwe didomînin û bi rêya nîmetên jîyana modern helbestên xwe ji hev re dişînin û bi hev re helbestan dinivîsin.

Wek hûn dibînin, malpera me bi van karên hêja va wê wê fikira şaş ji serê hinek kesan derxe, ku dibêjin kurdî li ber mirinê ye…

Emê her heftê carekê berhemên van helbestvanên welatparêz raberî we bikin.

 

Helbestvan ev kes in: 

Tahir Dînarî

Soran Amed

Arif Selçuk

Memê Miksî

Qasimê Xelîlî

 

G u l d e s t e

 

ZIMANÊ KURDÎ

 

Kurdî şîrînziman e
Silav li yê dizane
(Soran)

 

Şîrê dayika min e
Ji min re ruh û can e
(Qaso)

 

Maka min da ev xelat
Qurban ruh û giyan e
(Mem)

 

Dê û bavê min ew e
Diyariya Xwedan e
(Konê Reş)

 

Mifteha jiyanê ye
Xweş newa ye sitran e
(Arif)

 

Bê Kurdî jiyan nabe
Her kêlî ye her an e
(Soran)

 

Zimanê herî qedîm
Loma jîn û jiyan e
(Canalî)

 

Pir xweş e w pir pîroz e
Hem ayeta Yezdan e
(Qaso)

 

Ez wî nadim bi zêran
Nirxekî pir giran e
(Arif)

 

Wek dexla ku me çandî
Keda hezar salan e
(Qaso)

 

Bi şax e dewlemend e
Hem zimanê merdan e
(Soran)

 

Ne kêmî yê Ereb û
Firs û Tirk û Tûran e
(Dînarî)

 

Kurmancî û Zazakî
Goranî û Soran e
(Qaso)

 

Bingeha zarê Kurdî
Berî yê Qureyşan e
(Dînarî)

 

Ew hebe em jî hene
Em bi wî l’ser piya ne
(Soran)

 

Rêberê vê hebûnê
Celadet Bedirxan e
(Konê Reş)

 

Yên lê nebine xwedî
Pariyê dijmina ne
(Soran)

 

Zêrîntaca serê min
Tenê ew sermiyan e
(Mem)

 

Hebûn û pênase ye
Nasnameya Kurdan e
(Canalî)

 

Amed, Dîlok, Stembol, Qonya, Qamişlo

 

Riataza

Derheqa nivîskar da

Mela Mihyedîn

Zaroktîya wî di nav ‘erûz û berhemên klasîk de derbas dibe. Ji bo ilm berê xwe dide Hezex, Batman û Stenbolê. Herî dawî li Amedê xwendina xwe temam dike û îcazeta xwe ya beşa Mamosetîya Zanistên Civakî werdigire. Demeke dirêj li Amedê dersdariya Ziman û Wêjeya Kurdî dike. Nivîsên wî di kovarên “Nûbihar” û “Wêje û Rexneyê” de derketine.

Qeydên dişibine hev