Li Swêdê piştgiriyê bidin nûnerê Kurd Ezîz Aliş!

Li Swêdê piştgiriyê bidin nûnerê Kurd Ezîz Aliş!

Şeyhmus Ozzengîn

Di 09.09.2018an de li Swêdê hilbijartinên giştî yên parlementoya Swêdê heye!

Ji bona ku kurd di parlementoyên welatên Ewrûpa de cîh bigirin û bibin dengê kurd-Kurdistan û diyaspora kurd li derveyî welat;  hewcedarî bi helwesteke kurd û Kurdistanî heye. Mixabin Diyaspora kurd bê rêxistin e, ji ber hesabên piçûk belawela ye û ji hestekî kurdewarî û hevgirtî dûr e. Vê valahiyê her pişta me şikenandiye û em êşa wê dikişînin..

Di nava vê valahî û xemgîniya rewşa diyaspora kurd de, kurdekî dilsoz û kedkarê doza kurd li Swêdê ji partiya Lîberal nûnertiya xwe daniye.

Ev kurd EZÎZ ALIŞ e:

ezîz-alis.jpg

Wek ku em dizanin, di dema hewlên referandûma serxwebûna Kurdistanê de Partiya Liberal (Sörmlands Landstingspolitiker. Styrelse medlem i Liberalerna Eskilstuna) biryara piştgiriya serxwebûna Kurdistanê da! Yekem partî bû ku li Welatên Ewrûpa di wê demê de bû xwediya biryareke wisa û ev cihê şanaziyê ye.

Ez Kek Ezîz Aliş ji salên 1970 ji Amedê nas dikim. Di nav refên hêzên kurd û Kurdistanê de bê rawestan heta niha kar û xebatên xwe meşandiye. Kurd e, Kurdistanî ye û di hestên niştimanperweriya xwe de dikare bibe dengek, awazek ji bona kurd û Kurdistanê.

Divê Kurd, li diyaspora kurd dev ji hesabên piçûk û ezezîyan berdin û xwedî berpirsiyariya neqandina nûnerên xwe derkevin.

Kek Ezîz Aliş dengekî kurd û Kurdistanî ye. Divê bi gelemperî diyaspora kurd û taybetî jî kurdên Swêdê xwedî li vê gava kek Ezîz Aliş derkevin û li gor hestên kurd û Kurdistanê dengên xwe bidin vî kedkarê doza kurd a bi dehan salan..

Kek Ezîz yek ji me ye, bi tercîha xwe xwedî li kek Ezîz Aliş derkevin! Bi silav û rêz.

records Source:http://www.rupelanu.com/li-swede-pistgiriye-bidin-nunere-kurd-eziz-alis-446yy.htm

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev