Pirsa we û bersîva me – 106

Pirsa we û bersîva me – 106

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we bide.

Vê carê Nura Şane alîkarî ji redaksyona malpera me xwest û em bersîva pirsa Gulîzera Berxudarê bi çend ronîkirinan va didin.

 

Pirsa Gulîzera Berxudarê û bersîva malperê

 

Pirs: -Gelo bo çi li Ermenîstanê kurdî û welatparêzî pir pêş ketîye, lê li Kurdistana Bakur kurdî û welatparêzî “dikule”.

 

Bersîv: -Hunek kes ser wê bawerîyê ne ku sebebê wê yekê ew e, ku li Ermenîstanê li dibistanan dersên kurdî derbaz dibûn, lema kurd bi kurdî rind zanin û welatparêz in. Lê bira haya we jê hebe, ku li dibistanan fêrî axavtina kurdî nakin, lê fêrî xwendin û nivîsara bi kurdî dikin.

 

Emê bersîva pirsa we bi nimûneyekê bidin:

 

-Ji ber ku li Ermenîstanê gelek ermenî bi kurdî stirane û distirên, wek Karapêtê Xaço, Aramê Tîgran, Davîtê Xilo, Karapêtê Abraham û yên din (evana dengêbjên kurdan in), lê tu kurdekî Ermenîstanê tune, ku bi ermenî bistirê û ermenî bêjin ev dengbêjê me ye. Lê li Tirkîyê gelek kurd hene, ku bi tirkî distirên, wek Ahmed Kaya, Îbrahîm Tatlises û yên din (evana dengbêjên tirkan in), lê tu tirkek tune, ku bi kurdî bistirê.

 

Eger hûn welatparêzî, xîret, namûs, şeref bidine ber çavan, hûnê bersîva vê pirsê zûtir bibînin.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev