Du berhemên delal bi amadekarîya nivîskar Cankurd

Du berhemên delal bi amadekarîya nivîskar Cankurd

 

Nivîskar Cankurd (bi navê Kurdaxî jî tê naskirin) du berhemên delal ji malpera me ra şandîye. Em hêvîdar in xwendevanên me bi xwendina wan zewqeke mezin bistînin. Fermo, nivîskar Cankurd û malpera me di xizmeta we da nin!

 

Delîlao E’mer Lawo

 

Ji berhevoka Socin û Prym

Tîpguhastin: Cankurd

 

Delîlawo e’mer lawo, parçek e’wir î nabsayî E’yşe çûye destê mîr Hilayî

Dêkê Reco xort e nûgihayî

Hatî kerwana Mêrdînê

Heçî mizgînê E’mero ji mera bînê

Ezê zêrê sere xwe bidim ser (ber) mizgînê Hersê suwara li meydanê

Hesp qimar bûn ji xwêdanê

Mîr Hilayî li E’mero danî bedlê vê nîzamê

Ew Mêrdînê xweş Mêrdînê

Heçî E’mero berde ezê jê ra bidimê bi mêzînê

bira ji xwe ra bistînê

Ew Mêrdînê va li jêr e

E’yşê rabû çûye destê mîr Hilayî

Go: Mîr Hilayî li bextê te me

E’mero berde, tu bernedê, ezê bêm vê re Mîr Hilayî gotiye qesra mezin bi derenc e

Ez E’mero bernadim, ji e’skerê gelek qenc e E’yşê çûye meclîsê xweş e

Kevoka gerdengaz e

Mîr Hilayê go: (E’yşê) ezê berdim, lê şevekê cem (mi) raze

Go: Mîr Hilayî nabe nabe

Vê şuxul xerab e

Wekê tu qayîl be bira be

Dilê E’yşê bi derd e

E’yşê rabû çû cem mîr Hilayî

Şevik raza, E’mero ji nîzamê berda(yî)

Ew Mêrdînê va li jêr e

Serê E’yşê va bi zêr e

Şevê pêşî bûye jêr e

Ew Mêrdînê bê mesîl e

Melbûsê E’yşê ji h’elîl e (h’erîr e)

E’mero bi E’yşê xwe qayîl e…

 

Qewil

 Ji nû ve nivisandin: Cankurd

Şêxek rabû ji Xeydayê (Bexdayê?) Hewar şêxê min, Berê xwe da bû Serayê Hewar ruhniya min!

Koraniya ku bi çavê dayika şêxa didayê Hewar şêxê min!

Şêx Şehbedîn, şêxê xorta ye Seyid Elî xudanê heft teka ye Şêx Mihemed şîrîn biçûkê bira ye. Dayika şêxa, bi lezî bilezîne Eqîba zêra bi xwe re hilîne, Bertîlê ji waliyê re bişîne Teresê qûmandar fermana serê şêxa dixwîne.

Dor Xeydayê dar û bî ne Li aliyê heft tekya hezn û şîn e. Teresê walî fermana serê Seyid Elî dixwîne Hewar şêxê min!

Destê Seyid Elî li kelemçê dişidînê Berê Seyid Elî dane meşneqê Seyid Elî li ber meşneqê disekinînê, Stoyê Seyid Elî li şerîtê dixînê Bi emrê Xwedê, şerît di stoyê Seyid Elî de diqetînê Cara didiwa kursî li bin lingê wîna de datînê, Şêx Ebdil-Qadir imdadî jê, ji Bexda dişînê, Çel ircalê xeybê, li meydanê sekinînê… Cara sisiya, teresê qûmandar ji hikmê Rebê a’lemê tirsiya Ji stoyê Seyid Elî şerîtê bi der dixînê.

Hewar şêxê min!

Sê denga dikir qêrênê Ban (bang) Ocaxzadan kir, go: “Rebê a’lemê, hikim dimeşînê.” Hewar ruhniya min!

Mîa’da Seyid Elî li ezmanê hefta de diqedînê, Seyid Elî bi destê xwe, stoyê xwe di şerîtê de datînê, Û lingê xwe li kursiyê dixînê. Hewar ruhniya min!

Piştî wefata şêxa, li dinyayê ez ne mînim. Hewar şêxê min.

———————————————

(*) – Jêder: Roja Nû, duşemb, 8 Çiriya paşîn 1943, hejmar 27, Sal 1

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev

Bersîvekê binivîse

Your email address will not be published. Required fields are marked *