Pirsa we û bersîva me – 108

Pirsa we û bersîva me – 108

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Vê carê xwendevaneke me du pirsên girêdayî bi hevdu ra ji me kirine. Nura Şanê şêwra xwe bi berpirsyarê malperê ra kir û di encamê da ev bersîv derketin:

 

Pirsên Sîsa Bendûrî û bersîvên Nura Şane

 

Pirs 1: Gelo sûcê kurdîneaxivîna me tirk û dewleta tirkan e?

 

Bersîv 1: Em kurdîneaxivîna xwe jî dikine situyê tirkan, dibêjin: -Mektebên kurdî tunene, lema em kurdî nizanin. A pêşin: Ji xwe mekteb hebin, ew zaro dikarin herin wê mektebê, yên ku kurdî zanin. A duduyan: Di mekteban da fêrî axavtina zimanê kurdî nakin, lê fêrî xwendin û nivîsandina kurdî dikin.

 

 

Pirs 2: Gelo yek ji sebebên kurdîneaxivînê ew e, ku li Bakur li her deran bêy zanebûna tirkî karê te nameşe, ne li ciyê kar, ne li nexweşxaneyê, ne li balafirgehê û h.w.d.?

 

Bersîv 2: – Kurdên Bakur di navbera kurdî û tirkî da mane û ji wan herdu zimanan piranî tirkî hildibijêrin. Kê bi kurdî diaxive, navê ”leheng” lê dikin. Lê kurdên Ermenîstanê di navbera kurdî, ermenî û rûsî da mane û ji wan hersê zimanan kurdî hildibijêrin. Û kê ku kurdî diaxive, navê ”leheng” lê nakin, ji ber ku ew tiştekî normal e.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev