Du pirtûkên Ezîzê Gerdenzerî hatine weşandin

Du pirtûkên Ezîzê Gerdenzerî hatine weşandin

Wergerên nivîskarê kurd li Rewanê çap bûn

Beriya çend rojan, li Ermenistanê, ji aliyê Weşanxana “VAN ARYAN” û li çapxana Yekîtiya Nivîskarên Ermenistanê da, du pirtûkên Ezîzê Gerdenzerî yên wergeran hatine weşandin: H. C. Andersen “Periya avê û çîrokên din” bi zimanê kurdî û Kaare Bluitgen “Karen Jeppe. Ronahî li nav tariya sawkêş de – têkoşîna miletekî”, bi zimanê ermenî.

Herdu pirtûk jî ji danîmarkî hatine wergerandin. H. C. Andersen klasîkê wêjeya danîmarkî ya qedîm e. Kaare Bluitgen klasîkê wêjeya danîmarkî yê dema nû ye. Pirtûka “Periya avê û çîrokên din” da 22 çîrokên Andersen yên bijare hatine weşandin: Periya Avê, Werdeloka Bêsikûm, Prinsesa li ser nokê, Keça biçûk û darikên kirgûtî, Bilbil, Jina Bêkêr, Kaloşên Bextewaiyê û yên din.

Pirtûka “Karen Jeppe. Ronahî li nav tariya sawkêş de – têkoşîna miletekî” derbarê Komkujiya Ermeniyan ya Mezin da ne (1915-1923). Kaare Bluitgen, derheqa şahideke kuştina 1,5 mîlyon ermeniyan li Împeratoriya Osmaniyan da, keça danîmarkî Karen Jeppe da, nivîsîye. Karen Jeppe, 2.000 keç û bûkên ermeniyan yên wek hêsîr ketibûn destên osmaniyan, rizgar dike. Ew dibistanê ji bo zarokên sêwî vedike. Ew pir penaberên ermenî sitar dike û hwd.

Ezîzê Gerdenzerî di salên 1960’an de dest bi karê efirandarîyê kiriye․ Hetanî niha çar roman, sê şanoname, çar pirtûkên wergeran, pir novêl, destan, helbest û serpêhatiyên nivîskar hatine weşandin. Gelek berhemên nivîskar hatine wergerandin ji bo zimanê rûsî, ermenî, almanî û danîmarkî.

Dr. Ezîzê Gerdenzerî di sala 1997’an de dibe endamê Yekîtîya Nivîskarên Ermenistanê û di sala 2005’an de jî dibe endamê Yekîtîya Nivîskarên Danîmarkê. Ew xelatgirê rûmetê ye di warê literaturê de, ya Wezîreta Çandê a Danîmarkê.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev