Pirsa we û bersîva me – 110

Pirsa we û bersîva me – 110

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we bide.

Vê carê Nura Şane alîkarî ji berpirsyarê malpera me Têmûrê Xelîl xwest û ew bersîva pirsa Rizganê Şerqî da.

 

Pirsa Rizganê Şerqî û bersîva Têmûrê Xelîl

 

Pirs:Gelo rewşa çapkirin, firotan û xwendina kitêbên kurdî himberî salên buhurî îro çawan e?

 

Bersîv: – Berî 10-20-30 salan pirtûkên kurdî baş bûna, xirab bûna, kurdîya wan xweş bûya an qels bûya, hema bêje ne dikirîn. Niha dereceya xwendevanên kurd ewqas bilind bûye, ku yên baş dikirin, dixwînin, lê yên xirab nakirin.

Berî 10-20-30 salan wergerên ku min ji rûsî û ermenî kiribûn û hemû jî yên kurdzanên binavûdeng bûn û ser dîrok, ziman û folklora me bûn, çap ne dikirin. Heta weşanxaneyek ji min ra got: -Te tirkî wergeranda, meyê çap bikira. Lê niha wergerên min dor bi dor têne çapkirin. Ev pêşketineke mezin e.

Ya here giring jî, piranîya weşangerên me mesrefê çapê dernaxin, ango bi çapkirina wan pirtûkan rewşa weşanxaneyan a aborî baştir nabe. Ew piranî ji welatparêzîya wan tê, yek jî ew e, ku ew bi xweşbînî li roja me ya paşdemê dinêrin, ku jimara xwendevanan wê her here zêde be û karê wan jî wê pêş bikeve. Ronahîyeke geş jî xuya dibe, ew jî ew e, ku çend xêrxwaz û evîndarên zimanê me û edebîyeta me derketine meydanê û sponsorîya çapkirina wan pirtûkan dikin. Ji wana yê herî berbiçav camêrekî bi navê Mustefa Kilicaslan e, ku êdî sponsorîya çapkirina 6 berhemên zanyarî yên ji alîyê min da wergerandî kirîye, 3 ji wana çap bûne, sisê di halê çapkirinê da ne û ewî soz daye, ku hêvîya wî heye sponsorîya çapkirina wan pirtûkan bide zêdekirin.

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev