Dengê yekemîn Romana Kurdî û rivîna agirê dilê Şivanê Kurdan

Dengê yekemîn Romana Kurdî û rivîna agirê dilê Şivanê Kurdan

Edoyê AgirPêketîVêxistîDadayîŞewitîBerdayî

Min 10 salan berîya niha 20 roman, çîrok û serpêhatîyên Kurmancî yên wek Şivanê Kurmanca, Kela Dimdim, Hawara Dîcleyê, Bîra Qederê, Mirina Kalekî Rind, Sê Roj û Sê Şev, Labîrenta Cinan, Çîyayê Agirî, Siltanê Fîlan û hwd kirine deng (pirtûkên bideng yan audio book), lê ev beşa romana Şivanê Kurmanca ya Erebê Şemo birastî jî nuwaze û bêhempa ye, çimku tam dişibe fîlmeke hêjayî dehan xelatên navdewletî.

Meriv dema wê dixwîne, wusa zane ku giş bûyerên behskirî wek qewimînek rastîn li pêş çavê merivan diqewimin û meriv dikare tevahîya bûyeran tam wek xwe bîne ber çavan û wan hîs bike.

Erebê Şemo xebatên xwe yên wêjeyî dişibîne “rivîn û tîna agirekî geş”, Kurdên Kurdistanê dişibîne “darê çamê”, neyarên Kurdan dişibîne “gurên çavbirçî û har”, dostên Kurdan dişibîne “seyê sadiq û hevalên qedîmî”, qelema xwe jî dişibîne “firingî yan hesteyê” ….

Lawê Rojê biryara xwe dide, loma jî agir berdide çolistana wêjeya Kurdî û bi şewitandina qirşikmirşikan, şevreşên zivistana wê yên sikîsar, geş û germ dike û vediguherîne buhareke rengîn. Ereb zora tarîtîya hezar salî bi Ronahîya çavê xwenî vekirî dibe.

Bavê Romana Kurdî dibe xwedîyê zarokek agirîn, ku bi êgir dilîze û agir dixe dilê neyarên welêt.

Tenê Erebê Şemo, qedr û qîmeta agir zane, çimku ewî 17 salan sur û seqema Sîbîryayê bi tîna agirê Kurdewarîyê tehemmul dike û nahêle vîna wî lawaz bibe.

Erebê Şemo karê xwe dike, xwe dide hev û hîmê agirgeheke timvêketî ku alavên wê yên germ û geş ji çarnikalên Kurdistanê tên xûyan, datîne.

Riataza

Derheqa nivîskar da

Edo Makûyî

Edo Makuyî ji Rohilatê Kurdistanê, bajarê Makûyê ye. Medreka Muhendisîya şîmîya (Chemistry Engineering) temam kirîye. Wî Endazyarîya Kîmîyê xwendîye. Bi Kurmancî, Soranî, Farsî, Azerî, Tirkî, Îngîlîzî zane. Gelek pirtûkên kurdî wergerandîye farsî.

Qeydên dişibine hev

Bersîvekê binivîse

Your email address will not be published. Required fields are marked *