BİRANO, EZ ÊZÎDÎ ME

BİRANO, EZ ÊZÎDÎ ME

 

Dewrêşê Laleşî (Kalo Şado Şado)

 

Ez ne nezan û xeşîme
Xwedîyê tevn û teşî me
Şiyar bin, wext dereng dibe
Êzîdî me, Laleşî me.

 

Fermana de Şengalî me
Di şerran de Kobanî me
Paytext bi min çeleng dibe,
Birano, ez Amedî me.

 

Çiyayî û Dêrsimî me
Zozanî me, Serhedî me
Dema germyan reng reng dibe
Mêrxasekî Hewlêrî me.

 

Hevalbendê Şêr Qazî me
Li Mehabadê gazî me
Li Çarçira bîn teng dibe
Bi hêvî û daxwazî me.

 

Ji eslê qedîm, Arî me
Şehadê rojên tarî me
Cî li serê kê teng dibe
Hêvî û alîkarî me.

 

Lawê Dewrêşê Evdî me
Birayê Kurda tevdî me
Rojê qewama ceng dibe
Li pêşîya her kesî me.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev