Parlamentoya Kurdistanê: Em ê qurbaniyên êzdî weke şehîd nas bikin

Parlamentoya Kurdistanê: Em ê qurbaniyên êzdî weke şehîd nas bikin

BasNews- Seroka Komîteya Karûbarên Şehîd û Enfalkiriyan di Parlamentoya Kurdistanê de Sewsen Gerdî ragihand ku Parlamento hemû hewlên xwe dide ji bo ku qurbaniyên jenosîda kurdên êzdî weke şehîd bihêne naskirin.

Sewsen Gerdî ji malpera KDP.infoyê ra wiha gotiye: “Biryar e vê hefteyê Komîteya Karûbarê Şehîdan ligel Wezareta Karûbarê Şehîdan a Herêma Kurdistanê derbarê pirsa mûçeyê şehîdan û mafên qurbaniyên jenosîda kurdên êzdî bicive û piştre her di rojên bê de em ê bo vê pirsê serdana Bexdayê jî bikin.”

Gerdî wiha got: “Parlamentoya Kurdistanê lêkolînên ji bo pirsa hejmarkirina qurbaniyên jenosîda kurdên êzdî yên destê DAIŞê dike. Em lêkolînên dirûst dikin bi hemahengiya ligel wezaretê û aliyên peywendîdar, da ku ew qurbanî sûdmend bin di hemû maf û îmtiyazatên şehîdan.”

Rêxistina terorê DAIŞê di Tîrmeha 2014an da êrîşî Şengalê kiribû û bi hezaran kurdên êzdî şehîd kiribûn û bi hezaran êzdî jî revandibûn.

 

http://www.basnews.com/index.php/kr/news/kurdistan/517382?fbclid=IwAR247KWUKADTcMnnTbSmcTLiGWW1MmHe9Ni138ksUnDAGutCcn9-zybyf_w 

 

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev