Veguhostinek ji brayê ezîz kek Zikrî Mûsa

Xudanê nivîsê heft xalên ku birêz Zikrî Mûsa destnîşan kirine, ”sade” bi nav kirîye,

bi mebesta ku her fikirên felsefeyî jî bi awayekî sade têne gotin.

Ji van xalan û ji karê van kesan tê fêmkirin, ku hîmê avahîya Kurdistana serbixwe

zexm û qewîn e û têra her çar perçeyan dike.

Arif Zêrevan

Heft xalên sade

Yekem: Niha kolanên Iraqê, bi dijayetîkirina Herêma Kurdistanê ji aliyê şoveniyan ve hatine tejî kirin. Hemû aliyên siyasî yên Iraqê hez ji geşbûn, pêşketin û aramiya Herêma Kurdistanê nakin û lawazkirina Kurdistanê xala hevbeş ya wan e.

Duyem: Welatê me hatiye dabeş kirin û hatiye dagîr kirin. Çênabe em çaverêyê ewê bin ku dagîrker bi lojîkeke dostane, hevseng û dadperwerane muameleyê li gel dagîrkiriyan, yanî me bikin. Ji ber ku her li bingehê da prosesa dagîrkeriyê babetekê nedadperwerane û dijminkarane ye.

Sêyem: Eger nakokiyên di navbera aliyên siyasî yên Herêmê kûr û agirîn û berfireh jî bin, her hemûyan jî dozeke rewa ya hevbeş heye. Doza rewa ya gelê Kurdistanê dozeke siyasî, destûrî, dîrokî, cografî û wicûdî ye.

Çarem: Eger dergehê cîhana derve li ser me da girtî be, eger dagîrker firt û fêl û înkariyê li dijî me bi kar bînin wê demê ji bo rizgarbûn û serkeftinê rêyeke din heye. Dergehan ji hevdu re vekîn û fêlbaziyê li hevdu nekîn û hevdu înkar nekîn.

Pêncem: Gengeşeyên siyasî yên navxweyî beşek e ji prosesa geşbûna siyasî û pêgihiştinê, lê belê bi mercekê ku stratejiyeke neteweyî û berjewendiya giştî li ser rûyê hemû gengeşeyan û hêma û armancên hizbî de be.

Şeşem: Kêşe û girift her çende mezin jî bin, lê belê ne hêcet e ji bo xwe bi destvedanê. Hemû destkeft li nav janê da derbas bûne.

Heftem: Temaşayê welatên rojava bikin. Dewletên xwe ji nava dojehê derxistine û bi jan, trajedî, nebûn, birçîtî, taun û ji şewban derbas kirine.

Foto: Arif Zêrevan, Zikrî Mûsa û Mihemed Sanri

Riataza

Veguhostinek ji brayê ezîz kek Zikrî Mûsa

Derheqa nivîskar da

Qeydên dişibine hev

Share