Şaîrê Kurd Celal Melekşa li bajarê Sine yê Rojhilatê Kurdistanê rehmet kir

Şaîrê Kurd Celal Melekşa li bajarê Sine yê Rojhilatê Kurdistanê rehmet kir

Nura Şane

 

Celal Melekşa sala 1951 li gundê Melekşa ya ser bajarê Sine ya Rojhilatê Kurdistanê ji dayîk dibe. Bi helbest û çîrokan dest bi wêjeyê û karê hunerî dike.

 

Melekşa di bin zordariya rejîma Îranê de, bi karê hunerî û nivîsandina helbest û çîrokên Farisî ve mijûl bû.

 

Ji sala 1979’an ve giranî dide ser wêjeya Kurdî û helbestan bi Kurdî dinivîse.

 

14 salan di kovara ”Sirwe”ya da bi nivîs û helbestên xwe tesîrek pir mezin ser ciwanên kurd dike.

 

Dîwana wî bi wergera zimanên Îngilîzî, Swêdî, Erebî û Farîsî derketine.

 

Helbesteka wî ya pir sade û kûr fîkir, hêvîyek diçîne dilê her kurdekî ku rojek biçe xeracek û bangên wiha bibihîse: Silêmanî, Efrîn, Kobanî, Laleş, Amed…hwd

 

Awatêk

 

Axo debê

Ew roje bê?

Kawey kurim

Cantay sefer kate şanî

Dellalanî ber geracî şarî Sine

Hawar biken

Silêmanî… Silêmanî…

 

****

Gelî hevalan

Dema ez mirim, tika dikim ku min

Vê xerîbistanê de nespêrin axê

Laşê min ê westiyayî û xemgîn bişewitînin

Xwalîya min a pirr ji xem

bisperin bi ҫemê Dîcle.

 

****

Ji bo xemên xwe

Xwezî min

karibûya tiştek bikra

Ji bilî sebrê

 

****

Ez dibêm vî bajarî bihêlim û bisefirim

Herim û xwe li dinyayê derbeder kim

Bi hawara dil û bînahiya xwe

Hemû dinya û alemê

ji derdê xwe xeberdar kim

 

****

Di dojeha eşqa çavên xwe de min bişewitîne

Cenneta çavê te bi buhuşta xweda naguherim!

 

****

Vêga li vir, şairek im

Birînên xwe dihûnim

Dengbêjekî bi tenê me û

Di şeveke bê bihur de…

Hebo hebo

Xemên xwe dinivîsim…!

 

Wêne:Rêbwar

Helbest: Celal Melekşa

Kurmancîkirina helbestê: Muhsîn Ozdemîr

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev