”Gardiyan” bi zimanê swedî jî derket!!!

”Gardiyan” bi zimanê swedî jî derket!!!

Xudanê kitêbê behsa rojên reş li Roma reş dike

Bûbê Eser

 

Hêjano, delalno, welaparêz û kurdperwerno!

Gelek ji we navê zîndana Diyarbekirê ya 5 nolîyê bihîstiye. Ez bi xwe jî nêzîkî 3 salan di wê dojehê de jiyam, nemirim û bi halekî xerab jê azad bûm (02.01.1980 – 1982.05.19).

 

Dû re mecbûr mam ku welatê xwe biterkînîm û min terikand. Li kolanên welatên Skandînavîyayê, ango li Swêdê bi cih û war bûm (1983.11.28).

 

Piştî doktorên swêdiyan ku ez jî nexweşiyên hebûn xilas kirim, weke her kesan min dest bi kar kir. Lê piştî 10 salan birînên wê zîndanê û yên êşkenceyên li min hatibûn kirin vebûn. Ji nû de ketim, loma êdî min nema dikaribû kar bikira. Loma wan ez emeklî, taqawid, kêmendam kirim (2003).

 

Bi saya wê nexweşiyê, min giranî da karê xwendin û nivîsandinê. Min di destpêkê de ango dema hinekî baş bûm, min xwest wê qeraseta zîndanê Diyarbekirê bi devê Gardiyanekî bidim zanîn ku li wir çi dianîn serê me welatparêz û şoreşgerên kurdan.

 

Bi navê ”Gardiyan” cara ewil min ev kitêb bi zimanê xwe ê şêrîn bi kurdiya delal di sala 1994an li Swêdê weşand. Dû re, ev bi zimanê Yûnanî (Grekî) li wir hate weşandin. Pişt re bi kurdî û tirkî li Stenbolê weşanxaneya DOZê weşand. Pişt re ev bi soranî li Başûrê Kurdisanê hate weşandin û cara talî jî bi kurdî li Almanyayê hate çapkirin.

 

Niha jî bi zimanê Swêdî li Swêdê ev berhema min ji çapê derket û ev bû kêfxweşiya min.

Ev berhem wergera wê ya bi zimanê erebî jî li ber çapê ye û dostek, kurdekî hêja niha wê dike bi zimanê Îngîlîzî, Fransî û Almanî. Em li bendê ne ku heta ew jî biqede.

 

GARDIYANa bi zimanê swêdî li kurdên li Swêdê dijîn pîroz be. Divê ev berhem bêtir ciwanên ku haya wan ji wê demê û wê zîndanê tune ne vê bixwînin û wê binasin.

 

Ev ji 200 rûpelan pêk tê. Bihayê wê 200 kronê swêdî ye, heger bi postê bê şandin dibe 250 kron. Kesên bixwazin dikarin vê ji min bixwazin da ku ez jî ji wan re bişînim.

 

Bixwînin, fêr bibin û bizanibin bê bav, ap, metik, kek, bra, xal û xaltîkên we çawa di wê zînanê de jîyane.

 

Ciwanên hêja vê bixwînin û bibînîn bê wan zalîmana çi dianîn serê me.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev