HELÎKOPTER

HELÎKOPTER

Fermo, nivîseke kardar û kêrhatî, ku bi rû va sade xuya dike,

lê piştî ser nivîsê difikirî, gelek tiştên ji jîyana gelê me

û welatê me têne ber çavan.

Redaksyona malpera me vê nivîsa delal bi dilxweşî çap dike

û pêşnîyarekê bo gotina ”Hêlîkopter”ê dike.

Me di rojnameya “Rya teze” da gotinek çê kiribû: “Tîkfir”.

Belkî jî di kurdî da cîyê xwe bigire…

 

Fuat Önen

Yên me nîn in. Lê em dizanin amûreke firînê ye. Em di fîlm, TVyan de dibînin. Li Bakurê Kurdistanê em bi çavên serê xwe jî dibînin. Çîyayên me bordûman dikin. Bi şirîta çekdaran datînin, gundên me dorpêç dikin. Li Başûr û Rojavayê Kurdistanê di operasyonên dagirkerî de dewreke xurt dilîzin. Bi çekên giran ve dagirtî ne. Ji Efrîn heta bi Hemrîn prêzeyên helîkopteran bo me her kuştin û wêran kirin e. Me zêde nedîne lê yên rêwîya jî hene.

Helîkopter di neqilkirina çekdaran û serbazan de jî amûreke kêrhatî ye. Van mîratinan carinan tên xistin û carinan jî ji xweber dikevîn. Mirov tê de ne (çekdar an bê çek) û dimirin an brîndar dibin.

Ezmûna me û van mîratinan ew çend xedar e ku em çiqasî zorê bidin xwe jî dîmenên kevn rê nade humanîterîyê. Ne pir dûr ji helîkoptereke bi vî rengî du mirovên me ji alîyê çekdaran ve hatibûn avêtin û ji nav me koç kiribûn. Ji Çîyayê Kurmênc heta bi Çîyayê Hemrîn gelek mirovên me bi van amûrinan hatibûn şehîdkirin.

Em nikarin di ser vê hafizaya xwe re gav bikin û xemgînîya dagirkerên xwe parve bikin. Gotinên ”bila mirov nemirin an neyên kuştin” êş û hêrsa dilê me sivik nakin.

Pêwîstî jî pê tune ye. Peyva pêşîya ye “Girîyê herkesî li ser mirîyê wî tê”.

Û ji kerema xwe li ser mirîyên xelkê pevnekevin!

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev