“Bejna Zirav” li bejna siwarê me tê!

“Bejna Zirav” li bejna siwarê me tê!

Kitêba Azad Josef Erdem pîroz be

Salih Kevirbirî

 

Kêfxweş im ku kedkar û xizmetkarê çand, ziman, wêje û hunera kurdî; dost û birayê min ê hêja Azad Josef Erdem bi vê xebata xwe ya hêja pirtûkxaneya kurdî dewlemendtir dike.

 

Kekê Azad bi van helbestên xwe yên ked û emega 40 salan, bi zimanekî şahîk û herikbar me ji germahiya Deşta Mêrdînê dibe binê xetê, ji wir derbasî siyasonên rojavayê Ewropayê, ji wir jî dibe serma û seqema Stockholm û Borlänge ya Swêda sar a Îskandînavyayê.

 

Lê ew li ku dibe bila bibe, herdem bûye awazeke evîn û hesreta welatê xwe, çanda xwe, hunera xwe û mirovên ji xwîna xwe.

 

Min ji xet û hestên wî çêj û tehmeke xweş stand. Kêfxweş im ku keda min jî di vê berhemê de heye. Bi hêviya hûn Kekê Azad û “Bejna Zirav” a berhema wî bi tenê nehêlin.

 

Herwiha divê spasiyeke taybet jî li kekê hêja Kahir Bateyi û Weşanxaneya Sîtavê bikim ku serê xwe bi weşandina vê berhemê re êşandin…

 

Bejna Zirav, Azad Josef Erdem, Weşanxaneya Sîtavê, helbest, Kurdî, 96 rûpel. 

Riataza

Derheqa nivîskar da

Salih Kevirbirî

Anadolu Universitet (Zankoya Anadoluyê) - Fakulteya Ekonomî û Fakulteya Zanistên Siyasî // Heta niha 10 kitêbên wî bi zimanê kurdî û tirkî hatine çapkirin û ev kiteb li çend zimanan hatine wergerandin // Her wiha di 3 salên dawî de li ser kurdên Sovyetê 20 fîlmên documenter bi zimanê kurdî amade kirine// Di nav Navenda PEN-a Kurd de Berpirsê Nivîskarên Diyasporayê ye û Endamê Enstîtuya Kurdî ya Stenbolê ye.

Qeydên dişibine hev