Îsko Dasinî: Derbeke giran ne tenê li malbeta wî a bedew û bi tifaq, lê herwiha li hevalên wî û gelê me ket

Îsko Dasinî: Derbeke giran ne tenê li malbeta wî a bedew û bi tifaq, lê herwiha li hevalên wî û gelê me ket

Parlamentarê Parlamentoya Gurcistanê Îsko Dasinî li ser Demnameya xwe ya Facebookê ji bo kirasguhastina Yûrî Nebîyêv serxweşîyê dide hezkirîyên wî û gelê me.

 

”Ew derbeke giran bû ne tenê bo malbeta wî a bedew û bi tifaq, lê herwiha bo hevalên wî û gelê me. Min ji destpêka salên 70î ya sedsala buhurî bi wî ra hevaltî dikir. Ew merivekî şereza û xwedî qedir bû, me bawerî bi wî dianî û em pê serbilind bûn. Ew malxwêyê bêqusûr, xwedîyê gotina xwe, welatparêzekî pir mezin û rasteqîn bû. Em bi hev ra bûne artîstên Teatroya kurdan ya Tbîlîsîyê û endamên Şêwra xebata bi gencên kurd ra ya li rex Komîtîya Komsomolan ya bajarê Tbîlîsîyê.

 

Ez vê roja heznî serxweşîyê didime malbeta wî, kesên ber dilê wî ezîz, wan hemû kesan ku bi wî ra hevaltî kirine û ji wî hez dikirin.

 

Bira rehma Xwedê li Yûrayê birayê me be, bira ber Mîrê xwe duaçîyê ewledê xwe û koma xwe be!”

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev