Rojnameger û rewşenbîr Yûra Nabîyev koça dawî kir

Rojnameger û rewşenbîr Yûra Nabîyev koça dawî kir

BasNews Kesayetî û rojnamegerê naskirî yê gelê kurd li Moskowê paytexta Rûsyayê koça dawî kir.

Îro roja sêşemê 06.07.2021ê rojnameger, nivîskar û kesayetiyê naskirî û Serokê Rêxistina Hevkarî û Piştevaniya Gelê Kurd û Rûsyayê ji ber nexweşiyê di temenê 68 saliyê de li Moskow koça dawî kir.

Yûra Şamîl Nabîyev roja 26.10.1953an li bajarê Tiflisê yê Gurcistanê li dayik bûye û bi rûxana Yekîtiya Sowyetê re di sala 1991an de çûye Moskowê û li wir bi cî bûye.

Yûra Nabiyev yek ji wan kesan bû li Moskowê piştevaniya referandûma serbixwebûna Herêma Kurdistanê kir û ligel rewşenbîr û karsazê kurd serdana Serok Mesûd Barzanî kir û piştevaniya kurdên Sovêtê ji Serok Barzanî re anîbû ziman.

Herwiha Berpirsê Giştî yê Malpera Riataza.comê bû û derbarê dîrok, siyaset û rewşa kurdan bi dehan gotar belav kirine.

Çavkanî: https://www.basnews.com/kr/babat/699810?fbclid=IwAR02oDGO-ym6YZHdcxoLLjZcNBZO-DJ08kJfrg6QnEyfnzFUhI13xayAZ_g

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev