Ferhanga Erebî-Kurdî

Ferhanga Erebî-Kurdî

Gencîne/xezîneyeka bêhempa

Mihemed Sanri

 

Danêr, nivîskar: Azîz Akreyî

39 salan xebat li ser vê ferhenga 4 cilde hatiye kirin.

Li beramberî her gotineke erebî bi dehan gotinên kurdiya dêrîn, zêrîn û orjînal bi elfabeya latînî hatine nivîsandin.

Ger ferheng ne wekî tîprêziya elfabeya erebî bûya, dikarî yêkser Ferhenga Kurdî-Kurdî bûya. Mirov dibe heyrana serwextiya nivîskar ya di mijara dewlemendiya zimanê kurdî de…

Rastî jî ew bûye nêçîrvaneke dijwar yê peyvên kurdî. Bi dirêjahiya 39 salan!

Ezîz Akreyî ne tenê wekî fermandeyeke leşkerî yê jîr û jêhatî ye, belê asteyê entelektueliya wî jî bilind e. Di Şoreşa Îlonê de jî wekî fermandeyê Pêşmerge roleke giring lehîstiye.

Li gorî agahiyên di pêşgotina Ferhengê de hatine regihandin dora 10 berhemên dî yên wî yên hatine çap kirin û hêj ne hatin çap kirin jî hene.

Berhemeke dî ya wî, her car di derbarê fêrbûna ziman de ye; “Rêber û Ferhenga Sê Zimanan: Kurdî-Erebî- Inglîzî” ye.

“Çîrokên Kurdî” jî wekî zincîre pirtûk nivîsandine.

“Dîroka Kurdan û Pirsa Kurdistanê” jî navê berhemeke dî ya wî ye…

Bila ruhê wî şad be, ew dê bi van xebat û berhemên xwe hertim di hiş û bîra miletê kurd de zindî be…

 

***

Spasiyeka taybet.

Gelek spas bo Rêzdar Karwan Akreyî (brayê Ezîz Akreyî) ko ev gencîneya hêja, bêhempa bo min îmza û diyarî kiriye. Her bo min cihê şanaziyeke mezin e ko, ez wekî medyakarekê ji 10 salan zêdetir digel Seyda Karwan Akreyî xebitîme.

Gelek spas bo Rêzdar Mustafa Özçelik û Mamosta Serbest jî ev diyariya hêja gihandin min.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev