Heyder Şeşo: Li her cihekî desthilata Heşda Şeibî hebe, PKKê lê ye

Heyder Şeşo: Li her cihekî desthilata Heşda Şeibî hebe, PKKê lê ye

Fermandarê Hêza Êzdîxanê: Grûp û mîlîşyayên çekdar li dijî rêkeftina Şingalê derdikevin, piştevaniya PKKê dikin û aloziyan dirust dikin.

Navenda Nûçeyan (K24) – Fermandarê Hêza Êzdîxanê Heyder Şeşo radigihîne, li her cihekî desthilata Heşda Şeibî hebe, PKKê lê ye û hevkarî û hevahengiyê bi hev re dikin.

Fermandarê Hêza Êzdîxanê Heyder Şeşo ji K24ê re ragihand, ji sala 2017an ve her dema hikûmeta Iraqê xwastiye ku îdareya rewa ya Şingalê vegere wî bajarî, grûp û mîlîşyayên çekdar li dijî wê yekê derdikevin, piştevaniya PKKê dikin û aloziyan dirust dikin.

Şeşo got jî: “Heşda Şeibî û PKK aloziyan li hemû navçeyên Kurdistanî yên li derveyî îdareya Herêma Kurdistanê derdixin. PKK li Şingalê, Mexmûrê, Kerkûkê û Xaneqînê jî heye, li her cihekî desthilata Heşda Şeibî hebe, PKKê lê ye û hevkarî û hevahengiyê bi hev re dikin.”

Şeşo got jî: Hebûna PKKê li Şingalê, planek li dijî îradeya xelkê Şingalê ye û hemû alî li hember derxistina PKKê ji Şingalê ne cidî ne. Dixwazin Şingal wek Efrîn û Serê Kaniyê lê were.”

Fermandarê Hêza Êzdîxanê destnîşan kir, divê Hikûmeta Iraqê, Hikûmeta Herêma Kurdistanê û hemû aliyên navdewletî, karesata bi serê xelkê Şingalê de hatiye, li ber çav bigirin.

Herwiha got: “Bi dîtina me, Hikûmeta Iraqê dikare di heyama mehekê de ku PKK li Şingalê nemîne û dikare di mehekê de rêkeftina Şingalê cibicî bike û xelkê Şingalê qerebû bike.”

Şeşo tekez kir: “Şingal perçeyek ji xaka Kurdistanê ye. Hikûmeta Herêma Kurdistanê di ber Şingalê de berpirs e û divê xwedî lê derkeve, ji ber ku ji sedî 70 zêdetir ji xelkê Şingalê dengê xwe da lîsteya Kurdistanî û Partiya Demokrat a Kurdistanê.”

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev