Efrandarê, ku hêvîya vejîna wêjeya me li Bakur xurt dike

Efrandarê, ku hêvîya vejîna wêjeya me li Bakur xurt dike

Memê Miksî

ŞOREŞA XOXAN

 

Yar li singa te du xox

Kişdidin xwe bi hêlan

Hem dileyzin şeng bi şox

Mislê reqqasên xêlan

Reqqasên gelek jîr in

Sertûj teşbîhê tîr in

Wa ji dûr ve diqîrin

Nagirin xwe li kêlan

Ji şoreşa li jorê

Bişkuj mane di zorê

Lib lib dişkên bi dorê

Yek heb çi ye nehêlan

Hêj ezeb û tolaz in

Ji wan neke tu gazin

Zanim ew çi dixwazin

Lew li ser me rahêlan

Dilawerên xwe tu bîn

Meydana l’warê nivîn

Cengek danin em bê xwîn

Lê kelexuh bi pêlan

Doşek ji livaya nerm

Bikin yek hestî û çerm

Û bi hilma tenên germ

Agir berdin mitêlan.

 

ÛR Û EZAYÊN CANÎ

La Fontaîne

Lêanîn:Memê Miksî

 

Di can da mîrnişînî

Ûr e ma tu nabînî?

Hekî aciz bitin ev

Nesax dibin ‘eza tev

Dawiyê têgihan lê

Em bixwînin meselê

Rojek li hember ûrî

Ezayan hildan serî

Gotin: Em hew dikin kar

Me çi kir her ewî xwar

Bes ma dê heta kengî?

Bidome bi vî rengî

Ji xuhdanê dibin leq

Ne bêhndan e ne jî heq

Wî jî palda ye li text

Dadike her dan û wext

Mafxwarin bûye ‘usûl

Em jî vê nakin qebûl

Evan ezayên canî

Piştî dan daxuyanî

Hema di wê saetê

Dev berdan ji xebatê

Ling neçûn destan negirt

Di ser da jî kirin zirt

” De hadê ûr efendî

Bi tenê çi lewend î?

Îşê me bi te nîne

Rêyek bo xwe bibîne”

Ev baş nebû ji bo wan

Pişt ra lê bûne poşman

Xwîn nû nekir êdî dil

Veşewişîn ling û mil

Dîtin mane bêtaqet

Hingav pê hesan heqqet

Ûrê ew jê nerazî

Kêrhattir e birazî

Her wekî me qal kirî

Tu jî dikarî ûrî

Dîsa bişibihînî

Dewlet û mîrnişînî

Ya ku têtin ji milet

Bo dewlet dike xizmet

Ew jî bi temamê wan

Xweyî dike bêguman.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev