Sînemakariya Tirk

Sînemakariya Tirk

Karê me zehmet e, lê em mecbûr in wek kurd bifikirin û tevbigerin

Şemsettin Işıklı

Sînemakariya tirk, saziyeke herî bibandor ya Sîstema Serweriya Tirk e.

Taybetmendiyên wê ev in: asîmîleker, entegreker, tehrîbatker û viroker.

Ji pir aliyan ve bandora wê ya neyînî li ser ciwanên kurd çêbûne.

Di sînemakariya tirk de kurd, kurdî û Kurdistan tune ne.

Tehrîfkirina çand, kevneşopî, rê û rêzikên civata kurd bûye karê wê.

Tim neteweyê kurd piçûk, wehşî û ne medenî dîtîye û lê xebitiye bê îtibar bike.

Çîrok û destanên kurdî berovajî kiriye û ji xwe re kiriye melzeme û malê tirkan.

Tim henek bi kurdan kiriye ji ber ku bi tirkî baş nizanin.

Saziyên dewletê yên zordest bi kurdan daye şirînkirin; wek artêş û polis.

Her gav ne edaletî û bê huqûqiya sîstemê veşartiye û berevajiya wê nîşan daye.

Tirkbûn û tirkçîtiyê wek fezîlet nîşan daye.

Tim lê xebitiye ku kurdan ji xwe re bike biyanî û kurd bibin parçeyekî ji sîstemê.

Sînemakariya tirk sazîyeke kolonyalist e, nijadperest û virperest bûye û niha jî wisa ye.

Yên ku van karan dikirin jî xizmetkarên sîstema xwe bûn.

Lêkolîneke zanistî û berfireh lazim e ji bo tehrîbatkariya sînemaya tirk li ser hişmendiya neteweyî ya kurd.

Dîsa mijara lêkolînê ye ka ji bo çi qaşo hin zanayên kurd evîndarên artîstên tirk in û pir xemgîn dibin ji bo mirina wan tirkperest û asîmîlekeran.

Û cihê niqaşê ye ka em ê çawa xwe ji bin bandora îdeolojîk ya sîstema kolonyalîst rizgar bikin û bibin wek xwe.

Karê me zehmet e, lê em mecbûr in wek kurd bifikirin û tevbigerin.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev