“Kilamêd cimaeta kurda, yê ku bi destî Xaçatûr Abovyan hatine nivîsarê”

“Kilamêd cimaeta kurda, yê ku bi destî Xaçatûr Abovyan hatine nivîsarê”

Yek ji xwendevanên malpera meyî herî aktîv, evîndarê ziman, çand û wêjeya me

Mustefa Kilicaslan nivîsên ser çand û wêjeya me weke ku “ji wê dinyayê” tîne,

ruh dide ber wan, wana zindî dike û dike malê gelê me.

Fermo, yek ji wan.

 

Gerok, nivîskar û wergerê Alman Friedrich Bodenstedt salên 1844-1851 li Piş-Kavkazê maye, bi tevî Xaçatûr Abovyan çûye Deşta Araratê û Quntara Glîdaxê geriyaye û kilamên kurmanca yên folklorîk berhev kiriye. Paşê Abovyan ew kilamana ji wî ra wergerandiye ser zimanî almanî û ewana di 1859a li Bêrlînê bi sernavê “Lieder aus Kurdistan” di berhema wî ye “Tausend und Ein Tag im Orient”ê da çap dibin. Heciyê Cindîyê folklorîstê kurdan î mezin jî di salên 1960î ew kilamana di berhevokeke xwe da belav kiriye.

Amedekar: Mustefa Kilicaslan

 

***

Gewra min avê tê,

Bîna mêxik, darçîna ber piştê tê,

Devê min sûretê xala te keta,

Neçelnîk ez bigirtama bişandama Rûsêtê (Sibîlê),

 

***

Te çevreşê, heba tirî,

Ser te da bijang-burî,

Şûşa dilê min şikestîye nacebirî,

Were mala me mêvanî,

Rabe, rûnê giranî,

Ez ê ji te ra şerjêkim berxê ser beranî.

 

***

Tê bîna bayê biharê,

Xudê bejina blind xeyrandîye rîşîyê şerê

Heyfa min tê axê gоrê

Xuda heland milê mertalî.

 

***

Min hafa deştê,

Dengê du zerîya xweş tê,

Ax dikim, xûna reş tê.

 

***

Kalbûm, sedcar kalbûm,

Ez ê nêzîkî heftê sal bûm,

Sedam ç’evê belek

Xirabmal bûm.

 

***

Hîv xeyidîye, naçe ava,

Pêwr bela bûne li van navan,

Îrо bîst û çar rоj e,

Xew herimîye belek çevan.

 

***

Serê xwendinê elîfba ye,

Xala sîng û berê xelqê delal.

Sed û sê ye,

Sîngê zerîya min weke mizgeftê ye,

Erzurma kambax meriv lê bike

Dua, nimêja ‘eyda ye.

 

 

***

Zоzanê me baş in,

Belekîyê berfê lê şeş in,

Rewazê (rewşê) kurmancîyê,

Qîzê bi kezî, xоrtê sivik

Teze ye telaş in.

 

***

Tirba sîwarê min himber e,

Cоtek m’erê zer ser e,

Gоşt xwerîye,

Hestuya kirîye sefer e.

 

***

Sîwarê hоlê sîwar bû xem e,

Kоma xulama xwe da cem e,

Jêkir serê Zemanxanê ecem e.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev