Sertaca wêjeya me bi qelema nivîskarekî ermenîyî binavûdeng

Sertaca wêjeya me bi qelema nivîskarekî ermenîyî binavûdeng

Bengîyê wêjeya me a kevinare, evîndarê zimanê kurdî,

şêkirdarê karên kesên biyanî, ku bo pêşketina çand û wêjeya me kar kirine

Mustefa Kilicaslan vê carê jî bi nivîseke xwe a delal dilê me baristan dike,

xwîna me ji şabûna hildigerîne.

Fermo, hûn jî wê lezetê bibînin, ku me dît.

 

Nivîskarê ermenî Karapêt Sîtal ê ku li gundê Kaçit a bi ser Şax/Çataxa Wanê bûye li Amerîkayê sala 1942an ev serpêhatiya Mem û Zînê bi awayekê helbestkî ser zimanê ermenî çap kiriye.  

Ev nivîsa li jêrê Heciyê Cindî serê salên 60î da parek ji kitêbê ji ermenî tercime kiriye hazirkirîye. 

 

Karapêt Sîtal: “Mem û Zîn”

(Beyt – serhatiya cimaeta Kurda) 

Amadekar: Mustefa Kilicaslan

 

PAŞGОTIN

 

Li ser mezelê Memê û Zînê

Du gulêd bedew hev ra şîn bûne,  

Û li ber pencê t’evê û hîvê

Ji bоna hevdu şaxvedane. 

 

Û her bihara gul dibişkivin,  

О bengzekî xweş bi hev şa dibin,  

Bilbil kilama pey hev dihûne,  

Dike çike-çik dil û hinave. 

 

Û ewêd hevsur miraz ç’eva da,

Dikin zûtirê bigihîjin hevdu,  

Ranêzîk dibin, ku hev hemêz kin,  

Çawa du maşоq hevdu ramûsin. 

 

Lê dirya ’uncuz wêderê hazir,  

Tê û dikeve оrta wan herdua,  

Û gulêd sоr e delal e nazik

Hisret e dil da naghîjin hevdu. 

 

Û xоrtêd azep her-her êvara, 

Kоka wê dirîyê dibirin bi m’era, 

Û qîzêd bikur, tarîbara siba

Gula av didin bi cêrêd xwe va.

 

Kî kо bibire dirîyê heft cara, 

Ewê bigihîje bext û miraza, 

Lawkêd Berwarê dibêjin awa

Û dirîya ’uncuz dibirin kоkê va.

 

Car din herdu gul şaxevedidin, 

Rengê sоr-gevez li xwe werdigirin

Li ber hênikayê, t’eva havînê

Çawa tarihan dikevine xemlê.

 

Û herdu gulêd delal e bi bîn, 

Dîsa xwe davên hemêza hevdu, 

Bi eşq hiz kirin hevdu radimûsin, 

Û çawa du gul gula dibarin.

 

Tê gotin wekî nivîskar di pêşgotina kitêbe da wiha nivîsiye:

 

Bila ev ferzeke min bêy hesibandin bona miletê kurdê cînarê me yê  mezin î wêrek î egîd ra. Û her çiqas îro ev miletê qehreman di bin nîrê dagîrkarêd başqe da tê azirandin û çerçirîn, lê roj dûr nîne ku jê xilas be. 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev