Pirsa we û bersiva me – 207

Pirsa we û bersiva me – 207

Xwendevanên delal, wekî ku hûn dibînin, malpera me beşa xwe ya bi sernavê ”Pirsa we û bersîva me” bi awayekî biserketî bi rê ve dibe. Rêvebira vê beşê, nivîskara malpera me Nura Şane ye. Hemû pirsên ku ji redaksîyonê ra têne şandin, em ji Nûraya delal ra dişînin û ew jî an bi xwe, an bi alîkarîya redaksîyona malpera me bersiva pirsên we dide.

Vê carê Nura Şane ji bo bersiva pirseke xwendevaneke me alîkarî ji me xwest, me jî berê xwe da mamostayekî kurd, zaneyê henekên kurdî Mem Dogala. Birêz Mem Dogala daxweza me înkar ne kir û soz da her heftê çend henekên kurdî ji me ra bişîne. 

Kerem bikin, em bi hev ra ji xwendina pirsên birêzan xwendevanên malpera xwe  û bersivên birêz Mem Dogala taybetmendîyên jîyana gelê xwe nas bikin û hinekî jî bikenin..

 

Pirsa xwendevanên me û bersiva Mem Dogala

 

Pirs: – Henekên kurdî zanebûnên me di hêla naskirina kûraya dilê gelê me didine dewlemendkirinê, me kêfxweş dikin û, wek gotina bizîşkan, bi erênî tesîr li ser tundurustîya me dikin. Ji kerema xwe çend henekên ji jîyana kurdan raberî me bikin.

Bersiv: Henekên kurdî – 13

1-

Merhaba!

Min bê hemdî xwe trembêla xwe li trembêla te qeliband. Ji ber ku kesekî ez dîtim, bi qestîka min hijmara telefona xwe li ser vê nîşeyê dinivîsim û di dênim ser trembêla te.

Bi xatirê te!

 

2-

Sadûn li ber derê xwaringehekê rawestîya dît ku li ser camê wiha nivîsîye:

Ger tu firavînê li ser masê bixwî bi 100 lîre, lê tu li erdê bixwe bi 25 lîreyan e. Mêrik çû hindur li ber maseya ku pereyan distînin rawestîye û 100 lîre ji berîka xwe derxist û dirêjî wî kir.

Mêrikê li ser maseyê runiştî bi devkenî got:

Xwarina li ser masê gelekî bi tam´tir û xweştir e newlo?

Sadûn:

-Nexêr, ez dixwazim pereyên çar firavînan bidim û çar caran werim li erdê firavîn bixwim.

 

3-

Mela dil ketibû jinebîyeke gund û gundîyan eva qebûl nekirin û mela ji gund kirin der. Ji ber vê bûyerê mela çû ser lateke bilind û bangî gundîyan kir:

-Waaa gundîno, bav û kalan gotine “Nikarin qencîya filankeso lê vegerînin, ji ber wê yekê ye xirabîyê pê dikin” ya min û we jî eve.

Yekî gundî bersiva melê da û got:

-Te çi qencî bi me kirîye?

-Hûn bê nan û xwê ne, û weke tirka nanê we li ser kaba we ye. Di wan rojên dirêj û kelkela havîna meha remezanê de min di fitarê de zûtir bang dida. Ma kanî qencîyek ji vê çêtir? Ne jinebî, gereke li himber vê qencîya min we keçeke xwe dabane min.

 

4-

Zengilê telefonê lêxist, Şîrînoyê biçûk bersivand.

– Eloo!…

– Silava li dîya xwe bike, ezê îro werim germokên mala we kontrol û eyar bikim.

Şîrîno:

– Tu kîyî?

– Ez Hoste Mîrza.

– Min fam nekir, navê te çi bû?

– Memo-Îskan-Rindo-Zana-Azad

Şîrîno telefon girt û bazda bi alîyê dîya xwe ve û bi dengek bilind got:

– Yadê îro gelek xalên hoste wê werin mala me germoka me biedilînin.

 

5-

Wî: Evîna min, min diyarîyek xweşik ji bo rojbûna te kirîye.

Wê: Oy ez çiqas bi kelecan im. Heme te çi kirîbe bi dilê min e.

Wî: Jinik bira ber pacê û trembêla li derve nîşanî wê da.

– Tu vê Ferrarîya sor a li derve dibîne?

Wê: Erê, evîndarê min.

Wî: Eynî ji rengê wê Ferrarîyê min dermanê lêvan ji te re kirîye.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev