Bi van helbestan Roja cilên kurdî pîroz be!

Bi van helbestan Roja cilên kurdî pîroz be!

Xaylaza Reşîd

 

MIÇIQÎNE EW RÛBAR…

Daketim devê gêlî

Wekî vexum avek sar

Min jor da wir nihêrî

Miçiqîne ew rûbar.

 

Ez zivirîm hêdîka

Min der û dor nihêrî

Min dest avît kulîlka

Gul û sosin tev girî.

 

Çûm guhêra milê çiyê

Rûnêm li bal şivana

Nedihat dengê kaniyê

Qeliya bû îza bêrîvana.

 

Gêdûka xike xalî

Min ji dûr va mêze kir

Kir derbazbim wî alî

Min êdî turuş nekir.

 

Xweza tê bê ew nîne

Hilşyan êdî ew xeyal

Her tişt wê guhêrîne

Çi bikim ezê mal û hal.

 

Her tişt êdî bû ye xewn

Em ketine qulçika

Ne dayîke ne jî tevn

Ne jî dewsa malhoçika.

 

BEXTÊ TUNE ÇI LÊ BIKIM…

Bextê tune çi lê bikim

Ewqas ber Xwedê lava kim

Ewqas dua dirozga bikim

Bext tune ye, çi jî bikim.

 

Bedewbûnê çi lê bikim

Sifetê xwe ger tenîkim

Şalikekê ger xwe werkim

Rûçikê xwe benda heram kim.

 

Xanim-xatûntî çî min ra ne

Ça bikim nazikîya xas jinane,

Ça bikim sewta şalûlane

Ça bikim, ev tev çî min ra ne.

 

Bêje bexto, bexto bêje,

Min hiznakî, çima bêje,

Sal-sal kaş û berkaş kirim

Layîqî bêbava kirim.

 

Riataza

Derheqa nivîskar da

Xaylaza Reşîd

Helbestvana kurd a navdar e. Pey dibistanê ra kolêca çarsale xilaz kirîye, li bajarê Tbîlîsîyê dersên kurmancî daye zarokan, 20 salan di Yekîtîya êzdîyên Gurcistanê da karê çandî û folklorê kirîye, karê rojnamevanîyê jî kirîye. Pirtuka wê a bi navê Kaniya Dilê min, sala 2007an çap bûye, endama Pena Kurd e.

Qeydên dişibine hev