Konfederasyona Revenda Kurdistanî êrîşa terorîstî ya li ser Hewlêrê şermezar kir

Konfederasyona Revenda Kurdistanî êrîşa terorîstî ya li ser Hewlêrê şermezar kir

Konfederasyona Revenda Kurdistanî di peyama xwe de diyar kir ku bi van êrîşên tirsonek dixwazin pêşî li îradeya gel bigirin û rewşa Iraqê û deverê û bi taybetî jî ya Herêma Kurdistanê têk bibin.

Peyam:

Em êrîşa terorîstiya şeva borî ya ser bajarê Hewlêrê şermezar dikin ku hevwelatiyên sivîl, ewlehiya herêmê û Hewlêra paytext kiriye armanc. Ev êrîş nikarin bi hev re jiyan, avakirin, pêşketin û nerîna pêşerojê rawestînin û ev yek jî îsbat dike ku terorîst çaverêyî têkbirina herêmê ne û dixwazin Kurdistanê jî wek deverên din ên Iraqê bikin.

Ew dixwazin rê li ber îradeya gel bigirin û rewşa Iraqê û navçeyê û bi taybetî Herêma Kurdistanê ber bi alîyekî din ve bibin, bi taybetî di vê rewşa ne aram û hesas de ku cîhan tê re derbas dibe.

Bi hêviya ku civaka navneteweyî û hevpeymanên wê yên li dijî terorê li hember van gefan bê deng nemînin û Iraq jî wek dewlet xwedî hewldanên cidî be û sînorekî ji bo dubare nekirina gefên bi vî rengî diyar bike ku ev yek jî dê bibe metirsî li ser ewlehî û aramiya herêmê.

Bi hêviya ku Kurdistana xoşewîst her tim aram be û welatiyên wê di nava aramiyê de bijîn.

Konfederasyona Revenda Kurdistanî

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev