Pasdarên Îranê berpirsiya xwe ya êrîşa ser Hewlêrê ragihand

Pasdarên Îranê berpirsiya xwe ya êrîşa ser Hewlêrê ragihand

PeyamaKurd – Hat diyarkirin ku Supaya Pasdarên Îranê, bi fermî berpirsyariya xwe ya bo êrîşa ser Hewlêrê ragihand.

Li gorî nûçeyên medya Îranê, Supaya Pasdaran bi daxuyaniyeke nivîskî bi fermî êrîşa şevê din a bi moşekên balîstîk bi ser Hewlêrê de li xwe girtiye.

Hatiye îdiakirin ku bi moşekan li baregehên îstixbarata Îsraîlê MOSSADê hatiye xistin.

Medya fermî ya Îranê jî beriya vê daxuyaniyê îdia kiribû, bi moşekan baregehên îstkixbarî yên MOSSADê hatine hedef girtin.

Di êrîşa îro bi şev li demjimêr 01:00ê şevê ku 12 moşekên balîstîk li ser Hewlêrê ketin de, avahiya navendî ya Kurdistan24ê xisareke mezin dîtiye ku hin moşek li ber wê ketine. Herwiha Parêzgarê Hewlêrê Umêd Xoşnaw jî eşkere kir ku du kesên sivîl di ji ber êrîşê birîndar bûne û diyar kir, armanca êrîşê ya sereke konsulxaneya Amerîka ya nû bûye.

Hêjayî bibîrxistinê ye, Supaya Pasdarên Îranê di nav lîsteya terorê ya Amerîkayê de cî digire.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev