Li Sinûnê şer di navbera PKK û artêşa Iraqê de derket

Li Sinûnê şer di navbera PKK û artêşa Iraqê de derket

Navenda Nûçeyan (K24) – Şer û pevçûn careke din di navbera çekdarên PKKê û hêzên artêşa Iraqê de li qezaya Şingalê derket û çekên sivik û mamnavend tên bikaranîn.

Peyamnêrê K24ê li Şingalê da zanîn, îro danê sibê şer û pevçûn careke din di navbera çekdarên PKK û artêşa Iraqê de li rêbenda Tobal a li nahiya Sinûnê ya ser bi Şingalê ve derketin.

Peyamnêrê me da zanîn, ji şeva borî ve şer û pevçûn di navbera PKK û artêşa Iraqê de li navçeya Bab Şilo yê li rojavayê Şingalê derketiye û heta niha jî berdewam e.

Diyar kir jî, di şer û aloziyan de çekên sivik û Doşka tên bikaranîn.

Jêderekî ewlekariyê ji Peyamnêrê K24ê re ragihand, ji encama pevçûnan, 2 leşkerê Iraqî û çekdarekî PKKê birîndar bûne.

Destnîşan kir jî, hemû rêyên dikevin nahiya Sinûnê jî bi axê hatine girtin.

Bab Şilo nêzîkî komelgeha Xanesorê ye û binkeyên çakdarên ser bi PKKê ve lê ye.

Çend roj in alozî di navbera artêşa Iraqê û hêzên ser bi PKKê ve li nahiya Sinûnê û qezaya Şingalê derketine û artêşa Iraqê jî hejmareke mezin ji tank, çek û cebirxaneya leşkerî şandin wê qezayê.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev