Zimanê Kurdî her tu nemir î

Zimanê Kurdî her tu nemir î

Ev helbesta delal xwesma ji bo wan kesên xwedî fikirên şaş in,

ku dibêjin li Ermenîstanê tu tiştekî kurdî nemaye.

Lê ji vê helbestê xuya dibe, ku li Ermenîstanê

kurd jî hene, kurdî jî heye, kurdîtî jî heye.

 

Têngîz Sîyabendî

 

Zimanê kurdî, zimanê madî

Vê dinyayê de nasnama me yî

Mala kurdan da her tu dersdar î.

 

Zimanê kurdî, zimanê arî

Di nav koma zimanên heyî

Rêhevalê me, rêberê me yî.

 

Zimanê kurdî şewqa tevê yî

Ji roja ketina vê dinya terî

Find û şemala destê me tu yî.

 

Zimanê kurdî wek şîrê dê yî

Ji roja ketina vê dinya birçî

Pêdivîya me her û her tu yî.

 

Zimanê kurdî şûrê devtûj î

Tu tenê destê li wan kurdan î

Ku namûsa xwe nadin tu tiştî.

 

Zimanê kurdî her tu nemir î

Bo me kurdan Xwedê tu dayî

Wekî şahidê hebûna me bî.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev