“Şîna Axayokê Bêdarî ya li ser her du kurên wî”

“Şîna Axayokê Bêdarî ya li ser her du kurên wî”

Ka mêze bikin Memê Miksî vê carê çi ecêb anîye serê kurmancîya rojane.

Memê Miksî 

Sed mixabin vê cewbê ez ji dil nalan kirim

Taqet û quwet nema min, belkî ez bêcan kirim

Leşkerê derdan giha min, lew ji hiş talan kirim

Min nema qet xew bi carek, bêser û saman kirim

Min du şahî çûne vekre, mûbtelayê wan kirim

Wê dema mesmuê min bû hîcreta cotê kuran

Xem li ser pişta’m ber hev bûn, wekî barê ûştiran

Sitar nabim ez tu caran pir ji vî derdê giran

Rîş û rih me her du şil bûne ji ava histiran

Firqeta wan sorgulan, ez bêeded giryan kirim

Ya Rebî qadir tu yî, derdê li canê min pur e

Min ji xanî çûne vêkre rojekê cotek kur e

Ger weled ar e welakin ew li nik babê dur e

Cewherek xelkê beyan bûn di gelek şêrîn sur e

Her di wextê ev mûsîbet Heq li ser min aniye

Sal hezar û sed û çil borîn ji hicra ûmmî ye

Mahê nîsanê ku roja reş li min bû şembî ye

Lazim e her çi ku Heq kit em bi wî bin razî ye

Vê demê dîn û teles ez xoceyê dêran kirme

Her du rojan ev mûsîbet Heq bi ser min aniye

Her duyan ser bi yek zade anîne terka cîhan

Yek di sala sêzdehê bû, yek di sala panzdehan

Ey xwezî ew her du bigiriyana li min, ne ez li wan

Sitir nabim ez tu caran pir ji vî derdê giran

Lêk van derd û xeman bêdaniş û îzan kirim

Qet ji dil nayête der reşbirîna tîra kulab

Min birîna dil di dev de derbûye jê tê edab

Sîne ateş danî îro dil bûye tîra kulab

Lew dinalim bêqiyas û lew dikalim bêhesab

Vê gulanê ez ji seyra sorgul û werdan kirim

Min divê Îsa bibînim dê ji ku peyda bîtin

Min birîna dil xef e, eseh bizan xweş nabîtin

Dê bi derd û xem bimînim ta qiyamet rabîtin

Ger di heşrê de bibînim wan ku dil pê şa bîtin

Lê te ta yewm-el qiyamet mûnîsê derdan kirim

Xeyn elîf beske ji nal û zariyê aha derûn

Ev qedaya Barî ye ma kes li wê çûn kit berîn

Saetek texîrê nabîtin wela yesteqêmûn

Her çi Heq kit ew heq e înna ileyhê racî’ûn

Lê ji derd û hesreta wan bêeded giryan kirim.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev