Helbestên mirazbexş

Helbestên mirazbexş

Ev xortê kurd ji Bakurê Kurdistanê li ser keçeke kurd bengî bûye û bi her awahî hewil dide dilê keçikê bikire û bike dergîstîya xwe. Biryar dike hîsên xwe bi helbesteke evînîyê rave bike. Lê texmîn dike, ku malbeta keçikê kurdperwer in û kurdîaxêv in. Bona dilê wan jî bikire, hewil dide helbesta xwe bi kurdî binivîse û cara pêşin di jîyana xwe da bi kurdî dinivîse. Wî bi xwe jî bawer nedikir, ku kurdîya wî ewqas xweş e û mirov dikare hîsên xwe bi kurdî bîne ser zar û zimanan.

Ka hûn jî mêze bikin ji vê daxweza xortê me çi derket! Ka ev xetên ji dil têr dikin, ku ew bi mirazê xwe şa bibe an na, ew jî Xwedê zane! Yek jî keça kurd a delal û malbeta wê zanin!

 

Jİ BO GULÎZERÊ

Meheme Zembîlfiroş

Bi edeb û heya xwe ez kirim esîr, tu yî

Bi çavên xwe ez kor kirim, tu yî

Bi dengê xwe ez kerr kirim, tu yî

Bi bejna xwe ez aşıq kirim, tu yî

Bi diranê xwe încî û mercan raî min da, tu yî

Bi porên xwe şahê maran husudî dabe kirin, tu yî

Navê Xweda ê Cemîl bidî naskirin, tu yî

Ji cemala Xweda nimuneyek mezin, tu yî

Nîşana cemala Xweda di çavên min da, tu yî

Quddus, Tahir û Müttehir navê Xweda ê pak û paqıj ên baş nişan bide, tu yî

Navê Vedud en baş pêbîranîn bîne, tu yî

Ê heyr û ecêb bimîne li qarşîyê te, ez im…

 

JI GULÊ RA

Çîçeka baxçê dilê min, tu yî

Nura çavên min, tu yî

Ava gerdana min, tu yî

Germa dilê min, tu yî

Xwîna demarê min, tu yî

Qisên nav dilê min, tu yî

Eşq u muhabeta min, tu yî

Derd u dermanê min, tu yî

Ramanê minê behiştî, tu yî

Ne bêje derman Xweda ye,

Bizanibe Şafî Xweda ye

Melhem, tu yî.

 

Ez jiber edeb u heya te xwe ditewînim

Li çavên te hergav çavên xwe digerînim

Ji huzna te çend roj e ez dîn im

Tû nebî ya min, ezê dilê xwe bişewitînim

Û ezê çavên xwe derxînim

Ku carek dî li keçikekê nenêrînim

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev